Skip to main content

என்ரை முதல் அனுபவம்-பத்தி - கோமகன்.



என்ரை முதல் அனுபவம்


நேற்று இரவைக்கே என்ரை மனிசி சொல்லிப்போட்டா,நாளைக்கு வேலையால வரேக்கே வோட் பண்ணவேணும் எண்டு.நான் போவம் எண்டு சொல்லிப் போட்டு யாழ் இணையத்தை நோண்டிக் கொண்டிருந்தன்.விடிய எழும்பி ரெண்டு பேரும் வேலைக்கு போகேக்கை என்ரை வாக்காளர் அட்டையை மறக்காமல் மனிசி தந்தா.நான் வேலை செய்யேக்கை என்ரை மண்டையுக்கை சுருள் சுருளாய் வட்டம் போச்சுது .

அப்ப நான் ஏழாம் வகுப்பு படிச்சுக் கொண்டிருக்கறன்.எங்கடை கோப்பாய் தொகுதிக்கு கதிரவேற்ப்பிள்ளை ஐய்யா தான் கூட்டணி வேட்பாளர். லெக்சன் கிட்டிது. கண்ட றோட்டில எல்லாம் நோட்டிசும் பசைவாளியோடையும் நோட்டிஸ் ஒட்டிக் கொண்டிருந்திச்சினம் பேரவை அண்ணைமார். நாங்கள் சின்னப்பெடியள் எண்டபடியால விடுப்பு மட்டும் தான் பாப்பம். லவுஸ்பீக்கர் வேற வாத்தியாற்ரை பாட்டுகளை போட்டு சனங்களை குசி ஏத்தீச்சிது.சில பேர் கள்ளைப் போட்டிட்டு வாத்தியார் மாதிரி அபினயிச்சு பாடீச்சினம்.நான் வாயைப் பிளந்து கொண்டு நிண்டு லவுஸ்பீக்கறையும் கட்டின தோறணங்கள்,கடுதாசிப் பேப்பர் அலங்கரிப்புகளை எல்லாம் பிராக்கு பாத்தன்.லெக்சன் தொடங்க முதல் நாளைக்கு முதல் நாள் கோப்பாய் கந்தசாமி கோயலடியில பெரிய கூட்டம். செல்வநாயகம்,அமீர், யோகேஸ் எல்லாரும் வந்தீச்சினம்.மங்கையக்கா தமிழ்தாய் பாட்டு பாடி கையில பிளேட்டால வெட்டி அதால வந்த ரத்தத்தை அமீருக்கு பொட்டு வைச்சா. சனம் எல்லாம் உரு ஏறி ஏங்கடை வோட்டு உங்களக்குத் தான் எண்டு கத்தீச்சிது.பக்கத்தில நிண்ட அப்பாவும் சனத்தோடை சேந்து கத்தினார். எனக்கு ஒரு கோதாரியும் அந்த வயசில விளங்கேல.

பேந்து அங்கை இங்கை ஓடி எண்பத்தி ஆறில இங்கை வந்தன்.அப்பவும் எனக்கு உந்த சின்னப்பிள்ளை குணங்கள் போகேல.லெக்சன் எண்டால் கொஞ்சம் விளங்கத் தொடங்கீச்சுது. ஆனால் என்னால வோட் பண்ணேலாமல் போச்சு. ஒவ்வரு முறையும் இங்கை லெச்சனுக்கு முதல் கேக்கிற ரெண்டு பாட்டியளும் ரீவீயில நேரை வந்து ரீவி காறங்களின்ரை கேள்வியளுக்கு மறுமழி சொல்லுவீனம். நான் அப்பவும் விடுப்பு பாப்பன். ஆனால் லவுஸ்பீக்கர்,தோறணங்கள்,எடுபிடியள் இல்லாமல் போனது எனக்கு பெரிய குறையா போச்சுது.

இப்பிடியே போய் இண்டைக்கு முதல்தரம் கலியாணம் கட்டின மதிரி வோட்போட திறில்லங்கா இருக்கிறன். வேலையை கெதியா முடிச்சு கொண்டு ஒரே ஓட்டமாய் வந்து வீட்டுக்கு கிட்ட ஒரு பள்ளிகூடத்தடியல வோட் போடுற இடம் கிடந்திது. நான் அங்கை போனால் ஒரு அசுமாத்தத்தையும் காணேல.பாட்டுகள் தோறணங்களை காணேல. வேணுமெண்டு அட்ரசை மாறித் தந்து போட்டாளோ எண்டு எனக்கு மனிசீல ஐமிச்சம்.

வாசலில ஒரு கறுவல் உயரமாய் நிண்டான்.நான் அவனிட்டை வோட்டு போட வந்தன் எண்டு சொன்னன். அவன் என்ரை ஐடியை பாத்திட்டு உள்ளுக்கை விட்டான். நான் பதகளிச்சுக் கொண்டு உள்ளுக்கை உள்ளட்டன்.அங்கை ரெண்டு மூண்டு வெள்ளையள் இருந்தீச்சினம்.நான் அவையிட்டை பயந்து கொண்டு விசயத்தை சொன்னன்.அவை சார்கோசியின்ரை பேரையும் பிரான்ஸ்சுவா ஹோலண்ட் இன்ரை துண்டுகளையும் ஒரு என்வலப்பையம் தந்தீச்சினம். எனக்கு என்னன செய்யிறது எண்டு தெரியேல.பேந்து மற்றர சனத்தை பாத்தன்.அவை உடுப்பு மாத்தற அறை போல ஒண்டுக்குள்ளை போய் வெளியில வந்து அங்கால வோட்டு போடிற பெட்டிக்கு கிட்ட நிண்டீச்சினம். நான் அறைக்கை போய் சார்க்கோசியின்ரை பேர் துண்டை எடுத்து என்வலப்புக்குள்ளை வைச்சு துப்பலாலை ஒட்டினன்.அங்கால போனா ஒரு வெள்ளைப் பொம்பிளை என்ரை என்வல்ப்பை பெட்டிக்குமேலை வைக்கச்சொன்னா.நான் வைக்க ஒரு இரும்பு பிடியை பிறென்ஜ் சில "வோட்தே " எண்டு சொல்லி தன்ரை பக்கம் இழுத்தா.என்ரை என்வலப் பெட்டீக்கை போய் விழுந்திது.நான் பேந்தும் நிண்டன்.என்ன எனபது போல அவா பாத்தா. நீங்கள் எனக்கு கையில மை போடேல எண்டன். அவா சிரிச்சுக் கொண்டு சொன்னா,இங்கை அப்படியெல்லாம் செய்யிறேல போட்டு வா எண்டு. எனக்கு சப்பெண்டு போச்சிது.

கோமகன்
Post a Comment

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்














000000000000000000000000000000000000
உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா  தாயகத்தின்  குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை  படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…