Skip to main content

தென்கிழக்கு சீமையிலே - நெடுங்கதை - கோமகன்.


தென்கிழக்கு சீமையிலே


நீசில் இருந்து கடந்த பலமாதங்களாக வந்த பலத்த நெருக்குவாரங்களினால் நானும் மனைவியும் நீஸ் புறப்படத் தேவையான ஒழுங்குகளைச் செய்தோம் . இருவரும் வேலை செய்வதால் ஓரே நேரத்தில் நேர்கோட்டிற்கு விடுமுறை வருவது அவ்வளவு சுலபமில்லை . இரண்டு மாதங்களுக்கு முதலே வேலை செய்கின்ற இடத்தில் இரண்டு கிழமை லீவுக்கு கேட்டிருந்தோம் . நீஸிசில் இருந்து எங்களை வரவைப்பதிற்கு அரையண்டம் குடுத்தவர் வேறை ஒருத்தரும் இல்லை எங்கடை சாத்தர் தான் . நாங்கள் ஒவ்வரு நாளும் சாத்தருக்கு நீஸ் வாறது சம்பந்தமான புதுப்புது செய்தியளை குடுத்தம் . அவரும் பெரிய புழுகத்தில இருந்தார் . நான் இங்கு இருந்தே இருவரும் நிற்பதற்கு எங்களது தங்குவிடுதியினாலேயே முற்பதிவு செய்திருந்தேன் . நான் அதை சாத்தருக்கு சொன்ன பொழுது , நறுக்கென்று சாத்தர் சொன்னார் < என்ன கோதாரிக்கு இங்கை வாறியள் நான் என்னத்துக்கு இங்கை இருக்கிறன் எண்டு > .எனக்கு சாத்தரை சமாதானப்படுத்திறதே பெரிய வேலையா போச்சு . சுவிசில் இருந்து சயந்தன் குடும்பமும் வருவதாக சாத்தர் சொல்ல எனக்கு உண்மையிலேயே புழுகமா போச்சுது .

நீஸ் அடிப்படையில் பிரான்சின் தென்கிழக்கில இருக்கின்ற ஒர் துறைமுக நகரம் . இதுதான் பிரான்சின் ஐந்தாவது பெரிய நகரம் . சனத்தொகை ஏறத்தாள 3,48,000 பேர் . ஏறத்தாள 2000 வருடங்களுக்கு முன்பு இந்த நகரத்தினுடைய பெயர் « நீசியா ஒப்பிடும் « (Nicaea oppidum ). பழைய கிரேக்கத்தில நீசியா ( Nizzia ) என்றால் < வெற்றி கொடுக்கின்றது< என்று அர்த்தம் . நீஸ் கிரேக்கர்களுடைய ஆழுகைக்கு உட்பட்ட ஒரு நாடாகவே இருந்தது . இதற்கு என்று தனிப்பட்ட பாரம்பரியமும் ஏன் மொழியும் கூட இருந்தது . நீஸ் நாட்டவர்களை < நீசுவாஸ் > ( Niçois ) என்றும் , அதன் தாய் மொழியை < நீசுவா > ( Niçioe ) என்றும் அழைக்கப்பட்டனர் . காலப்போக்கில் 1860ல் நீஸ் பிரான்ஸ்சின் ஆழுகைக்குள் வந்தது . நீஸினுடைய புவிஇயல் எல்லைகளாக , 30 கிலோ மீற்றர் தூரத்தில் இருந்து இத்தாலியும் , தெற்குபக்கத்தில் மெடிற்ரிறேனியன் சீ என்கின்ற மத்தியதரை கடலும் , வடக்கு பக்கத்தில் ஆல்ப்ஸ் மலையும் எல்லைகளாக அமைந்துள்ளது . இவ்வாறு மிதமான காலநிலையில் நீஸ் இருப்பதினால் இந்த நகரத்துக்கு உல்லாசப்பயணியள் கூடுதலாக வருகின்ற நகரமாக நீஸ் பிரான்ஸ்சில் இடம்பிடிக்கின்றது . அத்துடன் சர்வதேச திரைப்படவிழா நடக்கின்ற கான் நகரம் , நீஸில் இருந்து ஏறத்தாள 30 கிலமீற்றர் தூரத்தில் இருப்பதாலும் , மொனாக்கோ என்கின்ற பிரான்ஸ் அதிகாரத்துக்கு உட்பட்ட சிறிய நாடு ஏறத்தாள 37 கிலோமீற்றர் தூரத்தில் இருப்பதாலும் உல்லாசப்பயணிகளின் வருகை நீஸில் அதிகமாகவே காணப்படும் .  

நாங்கள் விடியப்பறம் முதல் கோச்சியை எடுத்தம் பரிஸ் கார் து லியோனுக்குப் (Paris Gare de lyon ) போறதுக்கு என்ரை மனுசி சாத்தருக்கும் மனுசிக்கும் பருத்திதுறை வடை பாரிஸில இருந்து உள்ள ஊரி காய்பிஞ்சுகள் எண்டு எக்கச்சக்கம் அயிட்டங்கள் கொண்டு வந்ததால எனக்கு செரியான கோபம் நான்தானே சாமானுகள் காவிறது நான் சொன்னன் நீ கொண்டு போறாய் சாத்தரை பத்தி உனக்கு தெரியாதெண்டு அவா சொன்னா போற இடத்தில கட்டுசெட்டாய் போகவேணும் பரிசுகெடுத்தாமல் வா எண்டு எனக்கு ஏன்ரா வாயைக்குடுத்தம் எண்டு போச்சுது இப்ப கார் து லியோன் எல்லாம் வடிவாய் திருத்தி படு சோக்காய் இருந்தீச்சுது எங்களுக்கு 6h 45 க்கு நீஸ் போற ரீ ஜீ வி (பிரான்ஸ்சின் அதிவேக புகையிரதம் ( TGV , Train Grande à Vitesse) எண்டபடியால் நான் வெளியலை போய் ஒரு கபேயுடன் சிகரட்டை பத்தினன் விடியப்பறம் கபேயோடை கன சனமில்லாத கார் து லியோனில சிகரட் அடிக்க ஒரு சந்தோசமாய்தான் இருந்திது மனிசி ஒரு லுக்கு விட்டா நான்வேறை பக்கம் திரும்பி கொண்டு பத்தினன் எனக்கு என்ரை ரென்சன் இதுக்குள்ளை சாத்தர் சொல்லியிருந்தவர் தனக்கு வரேக்கை ஒரு செம்மறி ஆடு பிடிச்சுகொண்டு வரச்சொல்லி நான் எங்கை செம்மறி ஆட்டுக்கு போறது சிலநேரம் என்னைத்தான் இவர் நக்ஸ்சுக்கு சொன்னாரோ எண்டு யோசினை முட்டிக்கொண்டு நிக்க சிகறட் கையில சுடவும் சரியாய் இருந்திது கோச்சி வெளிக்கிடப் போகுது எண்டு அறிவிச்சினம் கோச்சி அரை கிலோமீற்றர் நீளத்துக்கு வளைஞ்சு நெளிஞ்சு பாம்புமாதிரி ஒரே நீட்டாய் நிண்டுது கனகாலத்துக்கு பிறகு நான் பிராசின்ஸ்சின்ரை வெளி இடத்துக்குப் போறதால நல்லாய் விடுப்பு பாத்தன் நாங்கள் எங்கடை பெட்டியில ஏறி சீற்றை பாத்து இருந்தம் சும்மா சொல்லக்கூடாது உள்ளுக்கை பிளேன் கணக்காய்த்தான் கிடந்திது வெளிக்கிட்ட ஐஞ்சு நிமிசத்தில 300 கிலோமீற்றர் வேகத்தை எடுத்திது சாத்தர் கூவே எண்டு கூப்பிடுகிற தூரத்திலேயே இருக்கிறார் ஐஞ்சரை மணித்தியால ஓட்டம் வெளீல கோடு கிளிச்சமாதிரி கிடந்திது

ஆல்ப்ஸ் மறிற்றீம்ஸ் ( Alpes Maritimes ) என்ற டிப்பாற்மன்ரன் ( நிர்வாக அமைப்பு Dipartement ) தலைநகர் நீஸ் ஆகும் ஆனால் கொட் ஆசூர் மானிலத்தின் ( Provence cote D’Azur ) இரண்டாவது பெரிய நகர் நீஸ் ஆகும் நீஸ் பெரும் பணக்காரர்களை உள்ளடக்கிய ஒரு நகரம் உலகில் உள்ள பணக்காரர்களை நீஸில் முதலிடச்செய்து இறுதியில் அவர்களது சொத்துக்களை சட்டபூர்வமாக முடக்குவது பிரான்சின் கைவந்தகலை இதில் கூடுதலாக மாட்டுபவர்கள் மஃபியாக்களும் மத்தியகிழக்கு நாடுகளைச் சேர்ந்தவர்களுமே நான் எனது மனைவி சாத்திரி மூவரும் முதல் நாள் மாலை நீஸ் தங்கக்கடற்கரையில் நடந்து சென்றபொழுது ஒரு ஆடம்பர நட்சத்திர விடுதியைக் கண்டேன் இதன் பெயர் கொட்டேல் நெஜிறிஸ்க்கோ ( Hotel Negresco ) றுமேனிய பெரும் பணக்காரக் குடும்பத்தைச் சேரந்த ஹென்றி நெஜிறிஸ்க்கோ ( Henri Negresco ) (1868-1920 ) இந்தக் கட்டிடத்தைக் கட்டினார் முதலாவது உலகப்போரில் சிதைக்கப்பட்ட இக்கட்டிடம் இரண்டு வருடங்களின் பின்பு மீண்டும் இவரால் உயிர்பெற்றது பின்பு இந்த தங்கு விடுதி வைத்தியசாலையாக மாற்றப்பட்டது பலத்த நிதி நெருக்கடியை சந்தித்த இக்கட்டிடம் 1957 ல் ஓஜ்ஜியர் ( Augier )குடும்பத்திற்கு விற்கப்பட்டது அக்குடும்பத்தைச் சேர்ந்த சீமாட்டி ஜெனி ஓஜ்ஜியர் ( Jeanne Augier ) மீண்டும் ஆடம்பர நட்சதிர தங்கும்விடுதியாக உருமாற்றினார் பின்பு 2003 ல் பிரான்ஸ் அரசு இக்கட்டிடத்தை வரலாற்றுத் தொன்மை வாய்ந்த கட்டிடங்கள் வரிசையில் சேர்த்து கையகப்படுத்தியுள்ளது அதாவது நீஸ் மாநகரசபைக்குச் சொந்தமானது

வெளீல புதினம் பாக்க ஏலாத கடுப்பில நான் நித்திரை கொள்ளத்தொடங்கினன் என்ரை மனுசி நாங்கள் என்னென்ன பாக்கவேணும் எண்டு இணையத்தால நோண்டிக்கொண்டிருந்தா ஒரு பன்ரெண்டுமணிபோல மனுசி வெளியில பாக்கச்சொல்லி என்னை எழுப்பினா வெய்யில் கண்ணுக்கை குத்தீச்சுது வெளியில பாத்தால் ஒருமலையில கோச்சி போகுது மத்தப்பக்கம் குத்துக்கடல் நீலமாய் விரிஞ்சு கிடக்கு எனக்கு உடனை திரிகோணமலைப்பக்கம் தான் ஞாபகத்துக்கு வந்திது வெள்ளைப் புள்ளியளாய் சின்னன் பெரிசு எண்டு படகுகள் போறது தெரிஞ்சுது மனுசி தன்ரை கமறாவாலை படங்கள் சுட்டுக்கொண்டு வந்தா நான் ரெண்டு பக்கமும் வலுபுழுகமாய் பாத்துக்கொண்டு வந்தன் ஒரு பன்ரெண்டு அரை போலை கோச்சி கார் நீஸ் வீல் ( Gare Nice Ville ) றெயில்வே ஸ்ரேசனுக்குள்ளை ஆடிப்பாடி நுளைஞ்சுபோய் நிண்டுது நானும் மனுசியும் சனங்களை இறங்கவிட்டு ஆறுதலாய் இறங்கினம் நான் சுத்தி சுத்தி பாத்தன் சாத்தர் எங்கையாவது நிக்கிறாரோ எண்டு நாங்கள் றெயில்வே ஸ்ரேசனுக்கு வெளியால வந்து பாத்தம் ஒரு கறுப்பு நிற ரொயாட்டா ஜீப் மொடல் ( 4 *4 )காறிலை ஒரு உருவம் கறுப்புக்கண்ணாடி போட்டு ஏதோ சீஐடீ கணக்காய் நிண்டீச்சுது அட எங்கடை சாத்தர் தான் அப்பிடி நிண்டவர் எங்களை கண்டுட்டு கிட்டவந்து கண்ணாடியை கழட்டாமல் வாங்கோ கோ எப்பிடி பயணங்கள் சுகங்கள் எண்டுகேட்டார் எனக்கு இவர் ஏன் கண்ணாடியை கழட்டாமல் கதைக்கிறார் எண்டு கடுப்பு வேறை நாங்கள் இருக்கப்போற கொட்டலுக்குப் போனம் அங்கை போய் றூமை எடுத்து கொண்டுவந்த சாமானுகளை றூமுக்குள்ளை வைச்சிட்டு திரும்பவும் சாத்தற்ரை வீட்டை போனம் அங்கை வீட்டு வாசலிலை ஆலாத்தி எடுக்காத குறையா சாத்தற்ரை மனுசி முகம் முட்டச் சிரிப்போட நிண்டா அவாவோடை சாத்தற்றை பாதுகாப்பு படை சிறப்பு தளபதி நிண்டார் நாங்கள் வீட்டை உள்ளட முதல் எங்களை சுத்தி வந்து மணந்து வாலாலை மெற்றல் டிடெக்ற்ர் போட்டுத்தான் வீட்டுக்குள்ளை விட்டர் சாத்தருக்கு அவ்வளவு பாதுகாப்பு கெடுபிடியள் நாங்கள் மத்தியானம் சாப்பிட சாத்தர் சாலாட் உம் பிறென்ஜ் பகற்உம் வாங்கி வைச்சிருந்தார் தமிழர்கள் இல்லாத குறையை எங்கள் இருவர் மூலம் நன்றாகவே இருவரும் தீர்த்துக்கொண்டீச்சினம் அண்டைக்கு பின்னேரம் நாங்கள் மூண்டுபேரும் கடக்கரையில உலாத்தப்போனம்

நாங்கள் கடற்கரையில் நடந்து சென்றபொழுது உல்லாசப்பயணிகள் சூரியக்குளியலிலும் வேகநடையிலும் ஒருசிலர் ஓட்டத்திலும் ஈடுபட்டுக்கொண்டிருந்தனர் ஒருசிலர் கடலின் நடுவே மிதவைகளில் படுத்துக்கொண்டே கொக்ரெயில் எடுத்துக்கொண்டிருந்தனர் கடலின் நடுவே சிறிய பெரிய கப்பல்கள் வரிசைகட்டிச் சென்று கொண்டிருந்தன அகண்ட வீதியின் நடுவே வடலிகள் என்ற பல்ம்கள் வரிசை கட்டி அழகுபடுத்தின இந்த வீதியின் பெயர் பொறமனாட் டேஸ் ஆங்கிலேய்ஸ் ( Promenade Des L’Anglaise ) இது நீசின் துறைமுகம் வரை வளைவாக கடலை உள்வாங்கி அகண்டு செல்கின்றது . இந்த அகண்ட வீதியின் அழகில் சொக்கிப் போய் சாத்திரியைப் பார்த்து ஏன் இந்த வீதிக்கு இப்படியொரு பெயர்வந்தது என்ற ஒரு கேள்வியைக் கேட்டேன் சாத்திரி ஒரு சிரிப்புடன் சொன்னார்

ஆங்கிலேயர்கள் தங்கள் குளிர்காலத்தை அனுபவிக்க நீஸ் நகரிற்கு படையெடுத்தனர் நீஸ் கடற்கரையின் அழகில் சொக்கிப்போய் தாங்கள் நடந்து காற்று வாங்குவதற்காக 18ம் நூற்றாண்டளவில் மாபெரும் வீதியைக் கட்டினார்கள் இந்த வீதி வேய் டேய்ஸ் ஏன்ஜ் (Baie des Anges ) வளை குடாவை உள்வாங்கி நீண்டு பழைய துறைமுகம் வரை நீண்டு செல்கின்றது இந்த வீதி ஆரம்ப காலத்தில் ச்சிமின் து பொறமனாட் ( Chemin De Promenade ) என்றும் அதற்கு முன்னைய காலத்தில் நீசுவாஸ் நாட்டினரின் தாய்மொழியாம் நீசுவா மொழியில் கமின் டெய்ஸ் ஆங்கிலேய்ஸ் ( Camin Dais Anglés , The English Way ) என்றும் அழைக்கப்பட்டது பின்பு 1860 அளவில் பிரான்ஸ் ஓர் மொழிமாற்றுத் திருத்தச்சட்டம் மூலம் லா பொறமனாட் டேஸ் ஆங்கிலேஸ் (La Promenade Des L’Anglais ( The Walk way of the English ) என்று தனி பிரென்ஜ் மொழியில் மாற்றம் பெற்றது நாங்கள் மூவரும் பொறமனாட் ஆங்கிலேய்ஸ் வழியாக நீஸ்சின் துறைமுகம் நோக்கி நடந்து கொண்டிருந்தோம் எனது கண்களோ சுண்டல் கூறிய மச்ச கன்னிகைகளை தேடி அலைந்தது நானும் சாத்திரியும் வெய்யிலுக்கு சூரியக்கண்ணாடி அணிந்திருந்தோம் மாலை வெய்யில் மேகம் செம்மையாக ஆழ்கடலில் படரத்தொடங்கியிருந்தது ஒரு இடத்தில் சாத்திரி நின்றார் அங்கே நான் பார்வையைத் திருப்பியபொழுது பல வண்ணங்களில் அளவுகளில் மச்சகன்னிகள் அந்த மாலைநேரத்திலும் சூரியக்குளியலில் ஈடுபட்டுக் கொண்டிருந்தனர் மாலைச்சூரியன் அவர்கள் உடலில் வர்ணஜாலம் காட்டியது நான் அவர்கள் அசந்த வேளையில் எனது கமறாவால் சுட்டுக்கொண்டேன் நாங்கள் துறைமுகத்தை அண்மித்தபொழுது மலையின் கீழ் ஓர் நினைவு தூண் ஒன்று காணப்பட்டது நான் சாத்திரியை என்ன இது என்பது போலப் பார்த்தேன் என்னை அருகில் போய் பார்கும்படி ஒரு நமுட்டுச் சிரிப்புடன் சொன்னார் நான் அருகே சென்ற பொழுது அந்த நினைனைவுத் தூண் முதலாம் இரண்டாம் உலகப்போரில் மாண்ட நீஸ் இரணுவப் படைகளின் பெயர்களை நினைவு கூர்ந்து நின்றது

நாங்கள் துறைமுகப் பகுதியை நெருங்கிக் கொண்டிருந்தோம் நீஸ் துறைமுகம் பழையது புதியது என்று இரண்டு இறங்கு துறைகளைக் கொண்டிருந்து என் முன்னே அகண்டு நீண்டு பரந்திருந்தது இந்த துறைமுகமே பிரான்ஸ்சின் முதலாவது சீமெந்தினால் அமைக்கப்பட்ட துறைமுகமாகும் 16ம் நூற்றாண்டில் நீசியா நாட்டில் துறைமுகம் அபிவிருத்தி அடையாது இருந்தது அது லிம்பியா துறைமுகம் ( port Lympia ) என்ற பெயருடனேயே காணப்பட்டது நீசியா நாட்டின் துறைமுகத்தை ரோமப் பேர் அரசின் சர்க்கரவர்த்தி ஜூலியஸ் சீசார் கட்டிவித்தார் இதன் பின்பு பல கட்ட வடிவமைப்புகளின்பின்னர் பதினாறாம் லூயி மன்னர் இந்த இறங்கு துறைமுகத்தை பூரணமாகக் கட்டுவித்தார்

நான் துறைமுகத்தைப் பார்த்தபொழுது தனியார்கப்பல்களை நிறுத்துவதற்கு ஒரு இறங்கு துறையும் பொதுப்பாவனைக்கு என்று ஒரு இறங்கு துறையும் அங்கே காணப்பட்டது இங்கு இருந்தே பிரான்சின் தென் கிழக்குக் கோடியில் இருக்கும் பாஸ்ரியா கோஸ்ற் தீவுகளுக்கு கோஸ்ற்றா குவாசியர் ( costa croisiere ) என்ற பயணிகள் கப்பல் தனது சேவையைச் செய்கின்றது தனியார் இறங்குதுறையில் பலநாட்டுச் செல்வந்தர்களது விதம் விதமான உல்லாச ஆடம்பரக் கப்பல்கள் நிறுத்தப்பட்டிருந்தன நாங்கள் நினைவுக்காக அவைகள் அருகே நின்று கமறாவால் சுட்டுக்கொண்டோம் இங்கும் சதாம்கூசேய்னின் சொந்த ஆடம்பரக்கப்பல் நிறுத்தப்பட்டு பட்டு இருந்ததாகவும் பின்னர் போர் முடிவடைந்தபின் அந்தகப்பலை நீஸ் மாநகரசபை கையகப்படுத்தி ஏலத்தில் விட்டதாக சாத்திரி கூறினார் நாங்கள் துறைமுகத்தில் சிறிது நேரம் இருந்துவிட்டு புராதன நீஸ் நகரைப் பார்க்கப் போனோம் அப்போது இருட்டி இரவு எட்டுமணியாகி இருந்தது

எனக்கு நடந்து நடந்து கால்நோகத்தொடங்கீட்டிது ஒரு கபே குடிச்சால் நல்லாயிருக்கும் எண்டு நினைச்சன் சாத்தரிட்டை சொன்னன்

« சாத்தர் ஒரு பிறேக் அடிப்பம் எனக்கு கபே குடிக்கவேணும் எண்டு «

நாங்கள் ஒரு பாரின்ரை முன்பக்கத்தில போய் இருந்தம் சாத்தர் தனக்கு தெமி வேணுமெண்டார் மனுசி தனக்கு ஒறேஞ்ஜினா வேணுமெண்டா நாங்கள் ஓடர் பண்ணிப்போட்டு இருக்க மனுசி முன்னாலை இருந்த வாடகை சைக்கிளுகளை பாத்திட்டு இரவிலை சைக்கிளில போனால் நல்லாயிருக்கும் எண்டு சொல்லீச்சுது நாங்கள் கபேயை குடிச்சுப்போட்டு சைக்கிள் எடுக்கப்போனம் நான் புழுகத்தில சைக்கிளை எல்லாம் தொட்டு தொட்டு பாத்தன் இதுக்கு பேர் புளூ விசிக்களற் எண்டு சாத்தர் சொல்லி சைக்கிள் லொக் எடுக்கிற மெசினை , ஊரில மினிகாம்புகளை ஒர றெக்கி எடுக்கிற மாதிரி சுத்தி சுழண்டு உத்து உத்து பாத்தார் « என்ன சாத்தர் ? » எண்டு கேட்டன் .

சாத்தர் « பொறுங்கோ « எண்டு சொல்லிப் போட்டு மெசினில கிடந்த நம்பருகளை தன்ரை ரெலிபோனில அடிச்சார் பேந்து லொக் எடுக்க நம்பருகளை மெசினிலை அடிச்சார் ஆனால் லொக் திறக்கேல இப்பிடி ஒரு கால் மணித்தியாலம் சாத்தர் ஃபிலிம் காட்ட எனக்கு விசர் பத்தி « வாங்கோ சாத்தர் நாங்கள் நடப்பம் எண்டு « சொல்லி நடக்க வெளிக்கிட்டன் « சிலநேரம் உங்களை ஏத்த சைக்கிளுக்கு விருப்பமில்லையோ « தெரியாது எண்டு சாத்தர் சொன்னார் அதுக்குளையும் சாத்தற்றை லொள்ளு கதையள் தாங்கேலாமல் கிடந்திது நாங்கள் பழைய நீஸ் ரவுணைப் பாக்கப் போனம்.

நாங்கள் நீசியாவின் புராதனமான நீசுவா க்கள் வாழ்ந்த நகருக்குள் நுளைந்து கொண்டிருந்தோம் எனக்கு ஏறத்தாள 3 கிலோமீற்றர் நடந்து கால் வலித்தாலும் இந்த நகரில் என்னதான் இருக்கின்றது என்ற ஆவல் கால்வலியை சிறிது மறக்கச் செய்தது நாங்கள் நுளைந்தவேளை நன்றாக இருட்டியிருந்ததால் வீதியெங்கும் ஒளி வெள்ளத்தில் மிதந்தது நாங்கள் நகரில் நுளைந்தபொழுது வெளியே வெக்கையாக இருந்த இடம் நகரின் உட்புறம் குளிர்மையாகவும் காற்று சிலசிலவென்று வீசியது நகரின் வீதிகள் யாவுமே மிகவும் ஒடுங்கிய வாகனங்களே நுளையமுடியத அளவிற்கு ஒழுங்கைகளாக இருந்தன எனக்கு அவைகள் யாழ்பாணத்து மூத்திர ஒழுங்கையையே நினைனைவுபடுத்தின இருபுறமும் நீசுவா நாட்டினரது பாரம்பரிய உணவகங்களும் பல சிறப்புக் கடைகளும் காணப்பட்டு மக்கள் வெள்ளம் அலைமோதியது நாங்களும் மக்களுடன் மக்களாக நீந்தினோம் நீசுவா நாட்டின் பழையநகரம் அதற்கேஉரிய தனச்சிறப்பான கட்டிடக்கலையுடன் இருந்தது என்னை நிறையவே கவர்ந்தது  குறிப்பாக கட்டிடங்களின் ஜன்னல்கள் நான் பிரான்சில் எங்குமே கண்டிராத வகைகையில் இருந்தன ஜன்னல்கள் உட்புறம் கண்ணாடிக் கதவுகளையும் வெளிப்புறத்தே மேலும் கீழும் திறக்கக் கூடியவகையில் மரத்தில் ஓட்டைகள் செய்யப்பட்ட வினோதமான ஜன்னல்கள் காணப்பட்டன மத்தியதரைக்கடல் பகுதியின் இயற்கையான வெக்கையை தணிக்கும் வகையிலேயே இப்படிக் கட்டியிருக்கின்றார்கள் என்று என்னால் ஊகிக்கக் கூடியதாக இருந்தது என்னால் நகரின் அத்தனை வீடுகளிலும் இந்தவகையான ஜன்னல்களையே காணக்கூடியதாக இருந்தது

1860 கள் வரை 3ஆம் நெப்போலியனுடைய அனுசரனையடன் ரோமர்களின் கட்டுப்பாட்டிலேயே நீசியாவும் அதன் தலைநகரும் இருந்தன பின்பு 15 16 ஏப்பிறல் 1860ல் நடைபெற்ற பொதுஜனவாக்கெடுப்பில் நீசியா என்றநாடு பிரான்ஸ்சின் நீஸ் என்ற புதுப்பெயருடன் அல்ப்ஸ்மறைற்றும் மானிலத்துடன் நிர்வாகப்பகுதியாக சேர்க்கப்பட்டது அதற்கு முன்பு இருந்த நீசுவா மொழி நீசுவாஸ் நாட்டினரால் பேசுவதற்கு பிரான்சினால் தடைசெய்யப்பட்டது பிரென்ஜ் மொழியே பேசவேண்டும் என்று நீசுவாநாட்டினர் கட்டாயப்படுத்தப்படனர் காலப்போக்கில் நீசுவா மொழி பிரான்சில் இல்லாமல் போய்விட்டது ஆனால் நீசின் பழய நகரில் உள்ள வீதிகளது பெயர்கள் யாவுமே முதல் பிறென்ஜ் மொழியிலும் இரண்டாவதாக நீசுவா மொழியிலும் வைத்து பிரான்ஸ் நீசுவா மொழியை அழகு பார்க்கின்றது இதிலிருந்து நான் ஒரு வலியான செய்தியைப் பெற்றுக்கொண்டேன் அதாவது எந்த ஒரு சிறுபான்மை இனமும் அதன் மொழியும் காலப்போக்கில் பெரும்பான்மை இனத்தால் அழிக்கப்பட்டுவிடும் என்பதே என்னால் எமது நிலையையும் எண்ணிப்பார்க்க எனது மனது கனத்தது நாங்கள் மூவரும் பழைய நகரின் நடுப்பகுதியை அடைந்தோம் அங்கே ஒரு நீசுவா நாட்டின் பாரம்பரிய உணவகத்தை கண்டோம் அங்கு ஒரு பெரிய இரும்புத் தட்டில் தோசைமாதிரி சுட்டுவைத்திருந்தார்கள் அது ஏறத்தாள 2 செமீ தடிப்பு உள்ளதாக இருந்தது அதை துண்டு துண்டாக வெட்டி வித்துக் கொண்டிருந்தார்கள் ஒன்றை வாங்கி சுவைத்துப்பார்த்தேன் ஒரு தினுசான சுவையாக இருந்தது உணவகமும் அவர்களது பாரம்பரிய வடிவமைப்பில் இருந்தது நேரம் 9 மணியை நெருங்கிக் கொண்டிருந்தது மக்கள் வெள்ளம் அலைமோதியது உணவுகளை உண்பதற்காக குறுகலான தெருவில் இருபுறமும் உணவுக்காக இருக்கைகள் மக்களால் நிறைந்து வழிந்தன கட்டிடங்களின் அமைப்பினால் வெக்கையைப் போக்க இதமான காற்று சில்லென்று வீசியது நாங்கள் கறிபால்டி சதுக்கத்தை அடைந்தோம் அங்கு நெப்போலியனின் பிரதான தளபதிகளில் ஒருவரான மேஜர் கறிபால்டி சிலையாக நின்றுகொண்டிருந்தார் இவர் நீசில் பிறந்த பல போர்களில் பங்கெடுத்த நெப்போலியனின் வீரத்தளபதிகளில் ஒருவர் சதுக்கத்தின் அருகே மக்கள்கூட்டம் தெமி கஃபே குடிப்பதிலும் உற்சாகமாகக் கதைப்பதிலும் மூழ்கி இருந்தார்கள் நாங்கள் உயர்நீதிமன்றம் வளகம் மாநகரசபை வளாகம் என்று சுற்றி அடித்து விட்டு வீடு நோக்கிச் செல்ல மீண்டும் பொறமனாட் டேஸ் ஆங்கிலேய்ஸ் ஐ அடைந்தோம் நீஸ் மாநகரசபை சோசலிசக் கட்சியின் ஜாக் கோத்தா குடும்பத்தின் பிடியில் 1945 ல் இருந்து 1990 வரை நீண்டகாலமாக இருந்தது என்று ஒரு கொசுறு தகவலை சாத்தர் எங்களுக்கு வழங்கினார்

எனக்கு சாத்தர் சொன்னது ஒண்டும் ஏறேல அவற்றை முகத்தை முறிக்க கூடாது எண்டதுக்காக சீ அப்பிடியே எண்டு கொண்டு வந்தன் கால் நோ பின்னி எடுத்து மெல்லமாய் அன்ன நடை போட்டன் சாத்தர் என்னை திரும் பாத்து என்ன கோ பக்கிள் அடிக்கிறியள் எங்களை முன்னுக்கை விட்டுபோட்டு பின்னாலை பெட்டயளை பாக்கிற நோக்கமோ விடமாட்டன் எண்டு மனுசிக்கு போட்டுக்கொடுத்தார் நான் அப்பதான் றோட்டில திரும்பி பாத்தன் வண்ணம் வண்ணமாய் வகைவகைய பெட்டையள் ஹான்ட்பாக்கோடை ரெண்டு பக்கமும் நிண்டினம் நானும் மனிசியும் வலுகலாதியா அவையளை பிராக்கு பாத்து கொண்டு வந்தம் அவையள பாத்ததால என்ரை கால் நோ எனக்கு மறந்து போச்சுது சாத்தருக்கு கவலை தான் கொளுத்தின வெடி நமுத்துப் போச்சுதே எண்டு நாங்கள் முக்கித்தக்கி அவற்றை வீட்டு முடக்குக்கு கிட்ட வந்தம் அங்கையும் நாலு பெட்டையள் மதிலிலை சாஞ்சு கொண்டு நிண்டாளவை அப்பதான் சாத்தர் தன்ரை பெருங்கவலையை போட்டு உடைச்சார் தான் சில நேரம் காறில வேலையால வந்தால் முடக்கில நிக்கிற இவளவையள் கையை காட்டினமாம் தான் ஸ்கூட்டியில வந்தால் கையைக் காட்டாமல் முகத்தை திருப்பி கொண்டு நிப்பினமாம் நான் சொன்னன் அவளவை உங்களில செரியான குளப்பம் நீங்கள் முதலாளியோ வேலைசெய்யறவரோ எண்டு

நாங்கள் வீட்டுக்குள்ள போகேக்கை கோதம்ப மா புட்டு வாசம் மூக்கை துளைச்சிது சாத்தற்றை மனிசி அருமையான மனிசி எங்களுக்கு ஆட்டுறைச்சி கறியும் கோழிக்கால் பொரியலும் சமைச்சு வைச்சிருந்தா எனக்கு பெரிய அந்தரமாய் போட்டுது எங்களுக்காய் இப்பிடி கஸ்ரப்படுப்போனாவே எண்டு நான் சாத்தற்றை தோட்டத்தில இருந்து காத்து வாங்கி கொண்டு சிகறட் ஒண்டை எடுத்துப்பதினன் சாத்தர் தனக்கு சீரகத்தண்ணியும் என்ரை மனிசிக்கு றோஸ் வைனும் எடுத்துக் கொண்டு வந்தார் நாங்கள் பம்பல அடிச்சு கொண்டிருக்கேக்கை சாத்தருக்கு ஒரு போன் வந்திது சாத்தர் ஆற்றா இவன் இந்த நேரத்தில எண்டு புறுபுறுத்துக் கொண்ட்டு எடுத்தார் நான் சாத்தற்ரை முகத்தை பாத்தன் அது ஒண்டுமில்ல கோ சுவிசில இருந்து ஆறாத காயம் தான் நாளைக்கு பின்னேரம் தானாம் வாறதாம் எங்களை ஏயாப்போட்டில நிக்கட்டாம் எண்டு சொன்னர் இந்த நேரத்தில போன் எடுத் இவருக்கு நாளைக்கு இருக்கு வேலை எண்டு தனக்குத்தனே புறுபுறுத்தார் சாத்தர் நாங்கள் நாலுபேரும் பம்பலடிச்சு சாப்பிட்டு முடிக்க இரவு ஒரு மணியாப் போச்சுது எங்களை சாத்தரும் மனிசியும் நாங்கள் இருந்த கொட்டலில காறில கொண்டு வந்து இறக்கி விட்டினம் அடுத்தநாள் காலமை மொனாக்கோ போக பிளான் பண்ணினம் நான் சாத்தற்றை மனிசியையும் வரச்சொன்னன் நாங்கள் கொட்டலுக்குள்ளை போய் களைப்பு போக நல்லா குளிச்சு போட்டு படுக்கையில விழுந்தம் எனக்கு விடியகாத்தாலையே முழிப்பு வந்திட்டிது நான் மனுசியை எழுப்பாமல் மெதுவாய் எழும்பி நேரத்தை பாத்தன் மணிக்கூடு ஏழுமணியை காட்டீச்சிது நான் பாத்துறூமுக்கை போய் ஒரு நல்ல குளிப்பொண்டு அடிச்சன் நான் வெளிக்கிட்டு மனிசியை எழும்பி வெளிக்கிட சொல்லிப்போட்டு காலமை சாப்பாடு எடுக்க கீழை வந்தன் வளக்கமாய் நான் மற்றவையை வரவேற்று இருத்தி காலமை சாப்பாடு குடுக்கிறனான் இந்தமுறை எனக்கு மாறி நடந்திது எனக்கு இதாலை கொஞ்சம் மிதப்பாயும் இருந்திது கபேயும் குறசோணும் சூடாய் என்ரை தொண்டைக்குள்ள இறங்கீச்சுது நான் சிகறட் பெட்டியை எடுத்துக் கொண்டு வெளீல வந்து முன்னுக்கு இருந்த பனை வடலியோட இருந்த குந்தில இருந்தன் காலமையே வய்யில் சுள்ளெண்டு சுட்டிது பக்கத்தில கடல் நீலநிறமாய் விரிஞ்சு கிடந்திது றோட்டில சனமெல்லாம் ஓடிக் கொண்டும் நடந்து கொண்டும் இருந்திதுகள் கடலுக்கை கொஞ்சப்பேர் பரசூட்டில பறந்து கொண்டும் தண்ணியில ஒடிற ஸ்கூட்டியில ஓடிக்கொண்டிருந்தது நல்ல வடிவாய் தெரிஞ்சிது உண்மையில அந்தக்காலமை நேரம் எனக்கு பெரிய புழுகத்தை தந்திது நான் சிகரட்டை எடுத்து பத்த வைச்சு இதுகளை பிராக்கு பாத்துக் கொண்டு இருக்க மனிசியும் வெளிக்கிட்டு கொண்டு வந்தா நாங்கள் ரெண்டுபேரும் அதில இருந்து பம்பல் அடிச்சுக் கொண்டு இருக்க சாத்தர் அந்த வெள்ளனவே மனிசியோட காறில வந்தார் நாங்கள் நாலு பேரும் மொனாக்கோ போக வெளிக்கிட்டம்

மொனாக்கோ உலகின் பெரும் கோடீஸ்ரர்கள் பெரும் கறுப்புபண முதலைகளது உறைவிடமாகும் ஏழ்மை என்ற பேச்சுக்கு இந்த நாட்டில் இடமில்லை ஒருமுறையாவது இந்த நாட்டில் கால்அடி எடுத்து வைக்கமாட்டோமா என்று ஏங்கும் சிறிய நடுத்தர பணக்காறர்களின் கனவுலக நாடாம் மொனாக்கோவுக்கு எமது கார் சென்று கொண்டிருந்தது மொனாக்கோ நாட்டை உருவாக்கிய பெருமை ரஷ்சிய நாட்டை சேர்ந்த சோர்வேனியன் அரசவம்சத்தைச் சேர்ந்த பிறான்சுவாஸ் கிறிமல்லடியையே சாரும் பிறான்சுவாஸ் கிறிமல்லடி 1297 ஆம் ஆண்டு மொனாக்கோ கோட்டை மீது படைஎடுத்து மொனாக்கோவை தன்வசமாக்கினார் 1314 ஆண்டளவில் பிரான்சுவா கிறிமல்லடி பிரான்சின் பதினாறாம் லூயி மன்னருடன் ஏபடுத்திக் கொண்ட பாதுகாப்பு ஒபந்தத்தின் பிரகாரம் மொனாக்கோ பிறான்சின் ஆளுகைகுள் வந்தது ஆனாலும் மன்னர் குடும்பமே கௌரவப்பிரஜைகளாக நாட்டை வழி நடத்துகின்றனர் இன்று அவரது பரம்பரையில் வந்த இளவரசர் 2 ஆம் அல்பேர்ட் மன்னராக இருந்தாலும் பிரான்சின் அதிகாரத்துக்குட்பட்டதாகவே மொனாக்கோ உள்ளது உலகில் இரண்டாவது தன்னாட்சி கொண்ட மிகச்சிறிய நகரநாடு மொனாக்கோவாகும் இதன் எல்லைகளாக மத்தியதரைக்கடலும் இத்தாலியும் பிரான்ஸ் உம் உள்ளன இது வெறும் 2 சதுரகிலோமீற்றர் பரப்பளவையும் அண்ணளவாக 30000 சனத்தொகையையும் கொண்ட ஓர் சிறிய நகர நாடாகும் எமக்கு மொனாக்கோ என்றால் உடன் நினைவில் வருவது அதன் புகழ்பெற்ற போர்முலா 1 சர்வதேச மோட்டார் கார் பந்தயமும் றலி சைக்கிள் போட்டியும் தான் அதைவிட சூதாட்ட விளையாட்டிலும் பெயர் போனது மொனாக்கோ உலகின் அதிஉயர் வரலாற்று பெருமை மிக்க மொண்ற் கார்லோ என்ற கசினோ இங்குதான் உள்ளது இந்தக்கசினோவில் ஒருமுறை விளையாடினாலே தங்கள் வாழவின் அந்தஸ்த்து எங்கோ போய்விடும் என்று கனவுகாணும் உலக செலவந்தர்கள் எங்கும் உள்ளனர் மொனோக்கோ 1993 ஆம் ஆண்டு ஐநாசபையில் உறுப்பினராகத் தன்னை இணைத்துக் கொண்டது

எமது கார் தார் றோட்டில் வழுக்கிச் சீறியது சாத்தர் அதை நேர்த்தியாக ஓட்டிக்கொண்டிருந்தார் வெளியே அந்தக் காலையிலும் வெய்யிலின் உறைப்பு அதிகமாகவே இருந்தது எனது உடல்வாகினால் ஏற்பட்ட வியர்வையை போக்க சாத்தர் குளிரூட்டியை திறந்து விட்டார் எமது கார் கடற்கரை சாலையை தாண்டி மலைப்பாதையில் ஏறியது மொனாக்கோவை சென்றடைய மூன்றுவிதமான பாதைகள் உள்ளன முதலாவதாக தரைப்பாதையுடன் கூடிய அதிவேக விரைவுப் பாதை மற்றய இரண்டும் ஏறத்தாள கடல் மட்டத்தில் இருந்து 500 அடிகள் இடைவெளிகளில் உள்ள மலைப்பாதைகள் மொனாக்கோவை இணைக்கின்றன சாத்தர் எங்களுக்கு நீஸ் இன் அழகையும் மொனாக்கோவின் அழகையும் காட்ட மலைப்பாதையையே தெரிவு செய்தார் நீஸ் இல் இருந்து மொனாக்கோ எவ்வளவு தூரம் என்று சாத்தாரிடம் கேட்டேன் ஒரு 25 கிமீற்றர் அரைமணித்தியால ஓட்டத்தில் போய்விடலாம் என்று சாத்தர் விடை தந்தார் நான் அல்ப்ஸ் மலைத்தொடரின் அழகில் சொக்கிப் போனேன் திடீரென ஒரு மலைப்பாதை முடக்கில் சாத்தர் தனது காரை நிறத்தினார் நான் என்னவென்பது போல சாத்தரைப் பார்த்தேன் இதில் இருந்து கீழே பாருங்கள் கோ என்று கையைக் காட்டினார் நான் சென்று பார்த்பொழுது கிடுகிடு பாதாளத்தில் நீஸ் நகரமும் துறைமுகமும் தெரிந்தது நான் நீஸ் துறைமுகத்தின் அழகை அள்ளிப்பருகினேன் மனைவி கமறாவால் நாலா புறமும் கிளிக்கி எடுத்துக் கொண்டிருந்தா தூரத்தே இரு நீலங்களும் முத்தமிடல் போட்டியில் மும்மரமாக இறங்கி இருந்தன கீழ் நீலத்தில் அள்ளித் தெளித்த நட்சத்திரங்களாகப் பலவகையான கப்பல்கள் அணிவகுத்துச் சென்றது என்மனதைக் கிளரவே செய்தது நாங்கள் மீண்டும் பயணத்தைத் தொடர்ந்த பொழுது ஒருபுறம் ஆல்ப்ஸ் மலையின் வனப்பும் கீழே அதல பாதாளத்தில் மெடிற்றிரேனியன் கடலினது அழகும் என்னை சுண்டி இழுத்தது சிறிது நேரத்திலேயே மொனாக்கோவின் நுளைவாயிலை எங்களது கார் தொட்டது

மலையாலை ஏறிகொண்டு வரும்வரை எனரை மனுசி வாயைபொத்திக் கொண்டு வந்தா அல்லாட்டி சாத்தரோடை சேந்து என்னை கழட்டுறதுதான் என்ரை மனிசிக்கு வேலை என்னடா இண்டைக்கு பார்ட்டி விரதமோ எண்டு யோசிச்சுக்கொண்டு நான் வரேக்கை இருந்தாப்போலை பின்னாலை இருந்து குவாக் குவாக் எண்டு சத்தம் கேட்டிது என்ரை மனிசி ஒரு பையுக்குள்ளை சத்தி எடுத்துக் கொண்டிருந்தா சாத்தர் அந்தரப்பட்டு ஒரு பார்மசியில காறை நிப்பாட்டி போட்டு சத்தி அடக்கிற மருந்து வாங்க போட்டார் நாங்கள் காறுக்கை இருக்க மின்னி முழிச்சாப்போல ஒரு மொனாக்கோ பொலிஸ் காறன் மோட்டசைக்கிளில வந்து எங்களுக்கு கிட்ட வந்து நிப்பாட்டி போட்டு என்னக்கு சலூய்ட் அடிச்சான் நான் என்ன எண்டு கேட்டன் இதிலை கார் நிப்பாட்டேலாது காறை தூக்கப்போறன் எண்டான் என்ரை கூட்டாளி மருந்து வாங்கப்போட்டார் ஏமெர்ஜென்சி விளக்கு போட்டிருக்கிறது உன்ரை கண்ணுக்கை எத்துப்படேலையோ எண்டு கேட்டன் அதெல்லாம் தெரியாதுதான் தூக்கப்போறன் எண்டு அளாப்பினான் நான் காறை விட்டு இறங்கி பொறு ராசா என்ரை காட்டாளியை கூட்டியாறன் எண்டு நான் பார்மசியுக்கை போய் அங்கை நிண்ட பெட்டையள் ரெண்டுபேரோடை கடலை போட்டுக் கொண்டு நிண்ட சாத்தரை விசையத்தை சொல்லை ஆளை இழுத்துக் கொண்டு வந்தன் சாத்தர் வந்து பொலிசிட்டை மன்னிப்பு கேட்டு கொண்டு காரை ஸ்ராட் செய்தார் சத்தி மருந்தை போட்டதாலை பழையபடி கட்டுக்கு வந்தா

நாங்கள் வந்த காரை பார்க் பண்ணிவிட்டு மொண்ட்கார்லோ கசினோவை அடைந்தோம் எம் முன்னே மயாஜால பிரமாண்டமாக மொண்ட்கார்லோ ஓர் பூங்கா நடுவே வியாபித்து இருந்தது இந்த மொண்ட் கார்லோ கசினோ 1866 ல் மொனாக்கோவின் இளவரசர் சார்ல்ஸ் 3 ஆல் உருவாக்கப்பட்டதாகும் அது உலகின் உள்ள ஆடம்பரங்கள் அனைத்தையும் உள்வாங்கி இருந்தது அங்கே மொண்டகார்லோவில் றோமானியக் கட்டிடக்கலை வரலாற்றுசாட்ச்சியாக என்முன்னே விரிந்து இருந்தது அதன் அருகே உலகின் முதல்தர மார்க் பொருட்களின் கடைகள் தங்கள் வேர்களை பதித்து இருந்தன என்னால் கண்ணாடிக்கால் ஒவ்வொன்றையும் ஆசைக்கு தொட்டுப் பார்க்கவே முடிந்தது அவைகளின் விலைகளின் குறைந்தபட்சப் பெறுமதையே 1000 யூரோக்கள் கசினோவின் அருகே கொட்டேல் டு பரிஸ் என்ற ஐந்து நட்சத்திர ஆடம்பர கொட்டேல் ஒன்று காணப்பட்டது இதுவும் இளவரசர் சார்ல்ஸ் 3 ன் காலத்திலேயே ஆரம்பிக்கப்பட்டது அறைகளின் விலைகள் தலையைச் சுற்றப்பண்ணியது அதன் ரெஸ்ரொறண்டின் உணவு விலைப்பட்டியலைப் பார்த்தேன் 300 யூரோக்களுக்கு குறைவாக காணமுடியவில்லை அந்த கொட்டலின் அருகே அங்கு வருகை தந்திருந்த உலக்கத்து செல்வச் சீமாட்டிகளினதும் சீமான்களதும் பழமை வாய்ந்த அதி விலை கூடிய ஆடம்பரக் கார்கள் நிறுத்தப்பட்டிருந்தன மக்கள் அவற்றின் முன்பு படங்கள் எடுத்துக் கொண்டிருந்தார்கள் அவர்களால் அதைத் தான் செய்யமுடிந்தது நானும் எனது பங்கிற்கு ஒரு றோல்ஸ் றொய்ஸ் காரின் முன்னால் நின்று படம் எடுத்தேன் கசினோவிற்கு முன்னால் உள்ள இடத்தில் இருந்து போர்முலா 1 கார்பந்தையம் தொடங்குவதா சாத்தர் கூறினார் இதன் ஓடுபாதை இங்கிருந்து மேலே மலையில் உள்ள மன்னர் மாளிகைகைவரை சென்று மீண்டும் இங்கு வருவதாகச் சாத்தர் கூறினார் இந்த போர்முல் 1 கிறாண்ட் பிறிஸ் சர்வதேச சம்பியன்ஷிப் கார் போட்டி 1950ல் இருந்து நடத்தப்பட்டு வருகின்றது நான் சாத்தரிடம் கசினோவில் விளையாடுவோமா என்று கேட்டேன் சாத்தர் என்னை ஒரு பார்வை பார்த்துவிட்டு கோ இந்த உடுப்பகளோடை எங்களை விடமாட்டாங்கள் அதுக்கு கோர்ட் சூட் போடவேணும் அதோடை விளையாட ஆக குறைஞ்ச தொகை 500 ரூபா என்றார் நான் ஆசையில் அந்த வாசில் தொட்டுப் பார்த்து அதன் முன்னால் படம் எடுத்துக்கொண்டேன். அப்பொழுது கிருபன் இங்கை விளையாடி கையை சுட்டதாக திண்ணையில் கதைக்கும்பொழுது எழுதியது நினைவுக்கு வந்தது எனது எண்ண ஓட்டத்தை அறிந்தோ என்னவோ சாத்தர் தான் விலைமலிவான கசினோவில் விளையாடக் கூட்டிப் போவதாக உறுதி அளித்தார் நாங்கள் மலையில் உள்ள மொனாக்கோவின் இளவரசர் இரண்டாம் அல்பேர்ட் வசிக்கும் கோட்டைக்குச் சென்றோம் கோட்டையில் மாலைச்சூரியன் செவ்வண்ணம் பூசி கோட்டையை மேலும் சிவப்பாக்கியது அந்த இதமான மாலை வேளையில் மக்கள் கோட்டையையும் அதன் சுற்றுப்புறங்களையும் தங்களது கமறாவிற்குத் தீனி போட்டுக்கொண்டிருந்தனர் கோட்டை வாயில் இருபக்கமும் காவலர்கள் விறைத்துப்போய் நின்றனர் இருமருங்கும் அந்தக்காலத்தைய பீரங்கிகள் இரண்டு பூட்டப்பட்டிருந்தன நான் கோட்டையடியில் உலாவிக்கொண்டிருந்தபோது மன்னரின் பாதுகாப்பு உத்தியோகத்தர்கள் பணிமாற்றம் நடைபெற்றுக்கொண்டிருந்தது கம்பீரமான அணிவகுப்புடன் புதிய பாதுகாப்பு உத்தியோகத்தர்கள் உள்ளே நுளைய அங்கிருந்தவர்கள் வெளியேறினார்கள் சுற்றுலாப்பயணிகள் அவர்களை வேடிக்கை பார்த்துக் கொண்டிருந்தார்கள் நான் அவர்களை எனது கமறாவில் உள்வாங்கிக்கொண்டேன் மன்னர் கிறிமல்டி இந்தக்கோட்டையை பிடித்து கட்டுவதற்கு தொழில்நுட்பம் வளராத அந்தகாலத்தில் என்பாடுபட்டிருப்பார் எத்தனை மனிதர்களது உளைப்பையும் உயிரையும் உள்வங்கி இன்று எங்களுக்கு வரலாற்று சாட்சியாக இருக்கின்றதே என்று எனது மனம் நினைத்துக்கொண்டது நாங்கள் கோட்டையின் பின்பக்கம் சென்றபொழுது இளவரசர் அல்பேர்ட்டின் திருமணம் நடைபெற்ற கதீட்ரல் எங்கள் முன் விசாலமாக உயர்ந்திருந்தது அதற்கு முன்னால் நீலக்கடல் கீழே பாய்விரித்திருந்தது ஒருபுறம் மொனாக்கோவின் துறைமுகம் தெரிந்தது அந்த துறைமுகமும் லும்பியா துறைமுகத்தைப்போலவே செல்வந்தர்களுக்கான உல்லாசக்கப்பல்கள் நிறுத்த ஒரு துறையும் பொதுப்பாவனைக்கென்று ஒரு இறங்குதுறையும் காணப்பட்டது ஆழங்கூடிய நீலக்கடலில் வெண்பறவைகளாக அந்தக்கப்பல்கள் ஒரு சீரான ஒழுங்கில் அணிவகுத்து நின்றிருந்தன நாங்கள் மாலை இருட்டிக் கொண்டுவருவதால் மலையிலிருந்து இறங்கி எமது கார்பாக்கிங்கை நோக்கிப் போனோம் எமது கார் நீஸ் நோக்கி விரைந்தது

என்ரை மனுசி வரேக்கை செய்த குளப்படியளால இந்தமுறை சாத்தர் தரைப்பாதையாலை காரை விட்டார் ஓட்டோ றோட்டிலை எங்கடை கார் 100இல போச்சுது எங்களை கால் மணித்தியாலத்திலை சாத்தர் நீஸ்சுக்குள்ளை கொண்டுவந்து விட்டார் எங்களுக்கு நல்லபசி எனக்கு பசியில தலைசுத்த தொடங்கீட்டிது நாங்கள் சாத்தற்றை வீட்டடிக்கு போக சாத்தற்றை பொடிகாட் வீட்டுவாசலில நிண்டார் எங்களை கண்ட உடனை ஓடயந்து எங்களை சுத்திவந்து மணந்து பாத்து வீட்டுக்கை விட்டார் நாங்கள் வரேக்கையே வாங்கியந்த பிறென்ஜ் பக்கற்றை வெந்தயக் குழம்போடை சேத்து ஒரு எறி எறிஞ்சம் ஆறாத காயம் வந்து இறங்க என்னம் ஒரு மணித்தியாலத்துக்கு கிட்ட இருக்கு நானும் சாத்தரும் ஆறாத காயத்தை கூப்பிட ஏயார்ப்போர்ட்டுக்கு போனம் நீஸ் ஏயார்போட் கட்டுநாயக்காவை விட கொஞ்சம் வெடிப்பாய் இருந்திது அங்கையும் தனிப்பட்ட ஆக்களின்ரை பிளேன் நிப்பாட்ட ஒருபக்கம் மற்றப்பக்கம் பொதுப்பாவனைக்கெண்டு ரெண்டு பிரிவை வைச்சிருந்தாங்கள் நாங்கள் அங்கை போய் பிளேன் இறங்கிற இடத்தில இருந்த போர்ட்டைப் பாத்தம் பிளேன் இறங்க என்னம் பதினைஞ்சு நிமிசம் இருந்திது அப்ப பாத்து சாத்தர் சொன்னர் இவர் ஆறாதகாயம் நேற்று சாமம் போன்பண்ணி ரென்சன்பண்ணிபோட்டார் கோ நீங்கள் இதிலை நில்லுங்கோ நான் தெமி அடிக்கப்போறன் ஆள் வந்த 5 நிமிசத்தாலை வந்து உங்களை சந்திக்கிறன் எண்டு நான் சொன்னன் எனக்கு ஆளை தெரியாது எண்டு ஆதாலை தான் கோ உங்களை விடுறன் பார்ட்டி வந்து அல்லாடட்டும் எண்டார் சாத்தர் என்னை விட்டிடு தெமி அடிக்கப்போட்டார் நான் அப்ப போர்ட்டை பாத்தன் ஆறாதகாயம் வந்த பிளேன் இறங்கீட்டுது நான் ஒரு கெத்தாய் கறுப்பு கண்ணாடியை போட்டுக் கொண்டு நிண்டன் சனம் எல்லாம் வெளீல வந்துகொண்டு இருந்திது ஆறாதகாயத்தை காணேலை சாத்தற்றை போன்வந்திது நான் விசயத்தை சொன்னன் சாத்தர் சொன்னார் பழக்கதோசத்தில பார்ட்டி புத்தகத்தை கிழிச்சு போட்டுதோ எதுக்கு கொஞ்சம் நில்லுங்கோ எண்டு சொன்னார் என்னுக்கு விசராப்போச்சுது ஒருகால் மணித்தியாலம் கழிய ஆறதாகாயம் மனுசி புச்சி புச்சி படையணி கதவுக்குள்ளாலை வந்தினம் நான் தெரியாத மாதிரி நிக்க என்னட்டை வந்து நான் சிறிலங்கனோ எண்டு கேட்டார் நான் சொன்னன் இல்லை மொறீஷியன் எண்டு அவர் ஏமாத்தமாய் நிண்டார் தூரத்தில நிண்டு பாத்து போட்டு சாத்தர் பின்னாலை வந்து ஆறாதகாயத்தின்ரை தோளைத் தட்டினார் அவைகதைச்சுக் கொண்டு போக ஆயுத்தப்படுத்த சாத்தர் என்னைப் பாத்து கோ போவமே எண்டு கேட்டார் அப்ப ஆறாதகாயத்துக்கு மூஞ்சையைப் பொத்தி அறைஞ்சமாதிரிக் கிடந்தது

சயந்தனைப்பற்றி எனக்கொரு கற்பனையுரு ஒன்று இருந்தது அவரது எழுத்துக்களை வைத்து கற்பண்ணி வைத்திருந்தேன் எனது வயதையொத்த நெடுநெடுவென்ற உயரத்தையும் முகத்தில் தாடியும் கண்ணாடியுமே கொண்டதே அந்த உருவம் நான் நேரில் பார்த்தபொழுது வயதில் சிறியவராகவும் ஏகத்துக்கு வெக்கப்படுபவராகவும் இருந்தார் என்னைக் கண்டவுடன் தனது கடிதத்திற்கு நான் பதில் போடாததிற்கு என்னைக்கடிந்து கொண்டார் நான் நிலமைகளைச் சொன்னேன் நாங்கள் அவரது குடும்பத்தை அவர் நிற்கப்போகும் நூவோத்தெல் ஹொட்டேலுக்குக் கூட்டிச்சென்றோம் நான் அவரின்மேல் வைத்த மரியாதை நிமித்தம் நான் வேலை செய்யும் அக்கோர் குழுமத்தின் இரண்டாம்படி நிலையிலுள்ள ஹொட்டலேயே அவருக்கு முற்பதிவு செய்திருந்தேன் நாங்கள் அங்கு சென்றபொழுது அங்கிருந்த வரவேற்பாழினி என்னுடன் நட்புணர்வுடன் கதைத்ததைப் பார்த்த சாத்தர் தனது தொலைபேசி இலக்கத்தை அந்த வரவேற்பாழினிக்கு கொடுத்து விட்டு வந்தார் நானும் சாத்தரும் அவர்கள் உடை மாற்றி வரும்வரை ஹொட்டேல் வரவேற்பு கூடத்தில் இருந்து கதைத்துக் கொண்டிருந்தோம் சிறிது நேரங்கழித்து சயந்தன் குடும்பம் கீழே இறங்கி வந்தார்கள் நாங்கள் எல்லோரும் சாத்தரின் வீட்டிற்குப் போனோம் சாத்தரின் வீடு புச்சியின் வருகையால் கலகலப்பானது நாங்கள் மூவரும் கடற்கரைக்குச் செல்லத் திட்டமிட்டோம் சாத்தர் ஒரு பையினுள் சீரகத்தண்ணிப் போத்தல் கலவைக்கு பச்சைத் தண்ணிப் போத்தல் நொறுக்க பருத்தித்துறைவடை என்று எல்லாவற்றையும் கர்மசிரத்தையாகச் சேகரித்தார் 

மேகத்துக்கும் மேகத்துக்கும் நடந்த கடும் மோதலில் மேகம் இடியென அபயக்குரல் எழுப்பி அந்த மாலைப்பொழுது இருள்மண்டி ரணகளமாகியிருந்தது சாத்தர் நான் சயந்தன் றோட்டில் இறங்க நடந்து கடற்கரையை அண்மித்து விட்டிருந்தோம் தூரத்தே பயணிகள் கப்பலொன்று வண்ண விளக்குகளுடன் சென்றுகொண்டிருந்தது காற்று சூறாவளியைப்போல் அடித்ததால் கடல் அலைகள் உரப்பாகவே கரையைத் துவட்டி எடுத்துக் கொண்டிருந்தன எமது மனமோ கடல் அலைக்கு எதிரானதாகவே இருந்தது தூரத்தே பூரணை நிலவு கடலுக்கால் எழுந்து வந்து கடலை ஒருவித மயக்க நிலைக்கு வந்தது கொண்டிருந்தது நாங்கள் கடற்கரையை அண்மித்தபொழுது மக்கள் இரவையும் கடலையும் அவரவர் போக்கில் ரசித்துக் கொண்டிருந்தார்கள் சயந்தன் ஆசைக்கு கடல் அலை காலில் பட அதை ரசித்துக் கொண்டிருந்தார் நான் போன உடனேயே சரளைக் கற்களில் மல்லாந்து படுத்துக்கொண்டே வானத்தையும் முழு நிலவையும் ரசித்துக் கொண்டிருந்தேன் சாத்தரோ காரியத்தில் கண்ணாக சீரகத்தண்ணி குடுவையைத் திறந்து பிளாஸ்ரிக் கப்பில் வார்த்து சயந்தனுக்கும் தனக்குமாக எடுத்துக்கொண்டார் பருத்தித்துறை வடையைக் கொறித்துக்கொண்டே பேச்சு இலக்கியப்பக்கம் திரும்பி இரண்டாம் மூன்றாம் உலகத்தை சயந்தனும் சாத்தரும் சீரகத்தண்ணி உதவியுடன் சிக்கெடுத்துக் கொண்டிருந்த பொழுது இலக்கியத்தில் எனது நிலை உணர்ந்து அவர்களைப் பேச விட்டுக் கேட்டுக்கொண்டிருந்தேன் அவர்கள் போரியல் இலக்கியத்தில் கருப்பு வெள்ளை சாம்பல் என்றெல்லாம் தாவிக்கொண்டிருந்தார்கள் சயந்தன் எனது நெருடிய நெருஞ்சியை அக்குவேறு ஆணிவேறாகப் பிரித்தார் எனக்கு அவர்களது கடற்கரை சந்திப்பும் இலக்கியப் பாய்சலும் பல சிந்தனைகளைத் தூண்டியிருந்தன சயந்தன் பேசப்பழக வெக்கறைப்பட்டவராகத் தெரிந்தாலும் விவாதங்கள் என்று வரும்பொழுது ஒரு வேறுபட்ட ஆழுமையையே அவரிடம் நான் கண்டேன் சாத்தரைப்பற்றி நான் வேறு ஒரு இடத்தில் சொல்கின்றேன்

சிறிது நேரத்திலேயே வெக்கைக்கும் மேகத்திற்கும் நடந்த காதலால் மழை என்ற பிள்ளை இடிமின்னலுடன் எட்டிப்பார்த்தது மழை வேகமாகப் பூமியைத் தாக்கியது வந்த இடியில் கடற்கரைக்கான மின்சாரம் இல்லாது போனது மக்கள் எல்லாரும் கலைந்து கடற்கரை துடைத்து விட்டால் போல எங்கள் மூவருடன் இருந்தது நாங்கள் மழையை ஆனந்தமாகக் கையை அகல விரித்து அனுபவித்தோம் தொடர்ந்து பெய்த மழையால் மூவரும் நன்றாகவே நனைந்து விட்டோம் மழையில் நனைவதை தடுக்க கடற்கரையில் இருந்த செக்போஸ்ற்ரின் அடியில் போய் நின்று கொண்டோம் காற்று நன்றாகவே சுழற்றி அடித்துக் கொண்டிருந்தது கடல் எங்கும் இருள் மண்டிப் இருந்தது காற்றின் வேகத்தில் அலைகள் பொங்கிப் பாய்ந்தன சிறிதுநேரத்தால் காற்றின் வேகத்தால் கடல் உள்வாங்கியது எனக்கு சுனாமி வந்துவிடுமோ என்று பயமாக இருந்தது முதன்முறையாக கடல் உள்வாங்கியதால் சீரத்தண்ணி தந்த சீரான மிதப்பில் சாத்தர் கரைக்கு கிட்டப் போய் நின்று பார்த்தார் நான் இருவரையும் இழுத்துக்கொண்டு வீட்டிற்கு வந்து விட்டேன் நாங்கள் வீட்டிற்கு வரும்பொழுது நின்ற கறண்ட் திரும்பவும் வந்தது எங்களுக்கு மூன்று அடுப்படியும் தும்புக்கட்டையால் அடிக்காத குறையாக நின்றார் சாத்தர் மெதுவாக உறுதியாக கடல் உள்வாங்கிய கதையை விபரித்தார் நாங்கள் சாப்பிட்டு விட்டு மறுநாள் கான்ஸ் நகருக்கு செல்லும் திட்டத்துடன் நாங்கள் தங்கியிருந்த கொட்டலுக்குச் சென்றோம்

உலகத்திரைப் பிரபலங்களின் கனவு நகரம் கான்ஸ் (Cannes ) வருடம்தோறும் நடைபெறும் சர்வதேசதிரைப்படவிழவில் அதி உயர் விருதான தங்க பனை விருதை ( Palme d’or ) எடுக்கமாட்டோமா என்று ஏங்கியபடி வருவோர் இங்கு ஏராளம் ஆனாலும் கான்ஸ் நகரம் நீஸ் நகரைப்போன்றே சரித்திரப்புகழ் வாய்ந்த துறைமுகப் பட்டணமாகும் கி மு 2ம் நூற்றாண்டளவில் லிகுறியன் ஒக்ஸ்சிவி ( Ligurain Oxybii )என்பவரால் அஜிற்னா (Aegitna ) என்ற பெயரில் மீன்பிடி கிராமமாக இந்த நகரை நிர்மாணித்தார் . பின்பு 10ம் நூற்றாண்டளவில் கனுவா ( Canua ) என்ற பெயரில் இந்த நகர் அழைக்கப்பட்டு இப்பொழுது கான்ஸ் ( Cannes ) என்று அழைக்கப்படுகின்றது 18 ம் நூற்றாண்டளவில் ஸ்பெயின் பிருத்தானியா இந்த நகரைக் கைப்பற்றப் போட்டி போட்டாலும் இறுதியில் பிரான்ஸ்சே தனது கட்டுப்பாட்டிற்குள் கொண்டு வந்தது

சாத்தர் விடியப்பறம் 7 மணிக்கே கொட்டலடிக்கு வந்திட்டார் இந்தமிறை ஒரு கெத்தா தன்ரை பொடிக்கார்ட்டையும் கூட்டிக்கொண்டு வந்தார் அவர் நான் இருக்கிற முன் சீற்றில இருந்து கொண்டு வெளியில விடுப்பு பாத்தார் நான் கடுப்படிச்சு இதாலை பின்பகம் ஏறவேண்டியதாய் போச்சுது நாங்கள் ஒரு அரை மணித்தியாலத்தில கான்ஸ் நகருக்குள்ளை போட்டம் சாத்தர் சினிமா கீரோ கணக்காய் கையில பொடிக்கார்ட்டோட இறங்க சனம் வித்தியாசமாய் பாத்தீச்சுதுகள் நாங்கள் புறமனாட் டு லா குவாஸ்ஸற் Promenade de la Croisette ஆல நடந்தம் ஒவ்வருமுறையும் ரீவியால திரைப்படவிழவையும் வாற நடிக நடிகையளுக்கு சனங்கள் அழுது குளறி லூசு வேலைள் செய்யிறதை பாத்த எனக்கு இப்ப நேரை போய் நிக்க ஒரு திறில்லிங்காய் தான் இருந்தீச்சுது நாங்கள் நடந்து கொண்டு போக திரைப்படவிழ நடக்கிற தியேட்டர் இருந்தீச்சுது சனமெல்லாம் அதில நிண்டு விழுந்தடிச்சு படம் எடுத்தீச்சினம் நாங்கள் மூண்டுபேரும் எடுத்தம் அப்பிடியே தியேட்டருக்கு பின்னாலை கடற்கரை இருந்திது நான் ஓடிப்போய் ஏதாவது மச்சகன்னிகை மாட்டுபடுதா எண்டு பாத்தன் சாத்தர் முன்னால இருக்கிற கார்ல்ற்றன் கொட்டலைக் காட்டி இங்கைதான் எல்லா நடிகர் நடிகையள் எல்லாம் வந்து நிக்கிறவை எண்டு சொன்னார் நாங்கள் மத்தியானம் வரை அங்கை நிண்டு சுத்திப்போட்டு எங்களை தான் ஒரு சூப்பர் கோட்டை ஒண்டு காட்டிறன் எண்டு சாத்தர் கூட்டிக்கொண்டு போனார் 

செயின்ற் போல் டு வன்ஸ் கோட்டை நீசில் இருந்து ஏறத்தாள 5 கிலோமீற்றர் தூரத்தில் இருக்கின்றது ஏறத்தாள 355 மீற்றர் உயரத்தில் உள்ள மலை உச்சி ஒன்றில் இந்தக் கோட்டை மிகவும் பாதுகாப்பான முறையில் முறையில் கட்டப்பட்டுள்ளது இந்தக் கோட்டையினுள்ளே நீசுவாசின் பழைய தலைநகரைப்போல ஒருகிராமமே இருந்தது இந்க் கிராமத்தின் மொத்த சனத்தொகையே வெறும் 3000 பேர்கள்தான் இந்தக்கோட்டையின் உள்ளே இருக்கும் கிராமத்தவரை செயின்ற் போலுவாஸ் என்று அழைக்கப்படுகின்றனர் கோட்டையின் நுளைவாயிலில் நாங்கள் நின்றபொழுது எனக்கு யாழ்ப்பாணத்தின் சிதிலமான டச்சுக்கோட்டையே ஞாபகம் வந்தது கோட்டை வாயிலும் அதன் சுற்று மதில்களு கொத்தளங்களும் கண்ட கல்லினால் வைத்துக் கட்டப்பட்டிருந்தன நாங்கள் உள்ளே நுளைந்தபொழுது வெளியே எரித்த வெய்யிலின் உக்கிரம் நீசுவாக்களின் கட்டிடக்கலையினால் குளிராகவும் இதமான காற்றும் வீசியது கோட்டையின் மேலிருந்து கீழே பார்க்கும்பொழுது சுற்றிவர பச்சை போத்திய சிறிய மலைகள் கண்ணுக்கு குளிர்ச்சியாக இருந்தன நாங்கள் உள்ளே நடந்து சென்றபொழுது முதலில் பலவிதமான ஆர்ட் கலறி கடைகள் காணப்பட்டன அதன்பின்பு சிறிய கிராமம் என்கண்முன்னே விரிந்தது நீசுவாக்களின் பழைய நகரைப்போலவே மிகவும் குறுகலான தெருக்களும் சதுரக்கற்கள் ( பவே , pavé ) வைத்து நிர்மாணிக்கப்பட்டிருந்தன இப்படிப்பட்ட தெருக்கள் றோமர்களின் எச்சசொச்சங்களாகும் இவைகள் நடப்பதற்கு சிறிது சிரமமானாலும் மிகவும் உறுதி வாய்ந்தவை அந்தக்கிராமத்தின் வீடுகள் கூடுதலாக இரட்டை மாடிகளைக் கொண்டதாகவே இருந்தன அதில் ரோமர்களின் கலைவண்ணமும் நீசுவாக்களின் கலைவண்ணமும் போட்டிபோட்டு மிளர்ந்தன நாங்கள் அந்தகிராமத்தின் சந்தபொந்துகளில் எல்லாம் நுளைந்து வந்தோம் கோட்டையின் நான்கு புறக் கொத்தளங்கள் சிதிலமடைந்த்து இருந்தாலும் பீரங்கிகள் பொருத்தியதற்கான மேடைகள் அங்கே காணப்பட்டன நாங்கள் அங்கிருந்து கீழே பார்கும் பொழுது கோட்டையை நோக்கி வரும் பிரதான வீதி தெளிவாகவே எங்களுக்குத் தெரிந்தது அப்பொழுது எனது கற்பனைக்குதிரையோ இந்தக் கோட்டையின் கொத்தளங்களில் நின்று கோட்டைக்கு வரும் எதிரிகளின் படைகளை எப்படியெல்லாம் தகர்த்திருப்பார்கள் என்று சிறகு கட்டிப் பறந்தது நாங்கள் கோட்டையை விட்டு வெளியேறும் பொழுது மதியம் இரண்டு மணியைத் தாண்டியிருந்தது இதுவரை நேரமும் கோட்டைக்குள் குளிர்மையை அனுபவித்த வெளியே நான் கோடை வெய்யிலின் அகோரத்தை உணரத் தொடங்கினேன் எனது உடலெல்லாம் வியர்வையில் குளித்தது சாத்தர் காரின் குளிரூட்டியைப் போட்டதின் பின்பே எனது வியர்வை என் சொல் கேட்டது

எனக்கு வயிறு சுடத்தொடங்கீட்டிது கார் கொஞ்சத்தூரம் போய் இருக்கும் பின்னாலை இருந்த என்ரை மனிசி காறை நிப்பாட்டுங்கோ சாத்தர் எண்டு கத்தீச்சிது காறை சாத்தர் குத்தி அடிச்சுப்போட்டு பின்னாலை தலையை திரும்ப சாத்தற்ரை மனுசி ஏங்க பஞ்சுமிட்டாய் வாங்கலாங்க எண்டு தொடங்க என்ரையாள் இண்டைக்கு தும்பு முட்டாஸ் இலாட்டிக்கி கார் அரக்காது எண்டுசொல்லிக் கொண்டு ரெண்டு பேரும் காறை விட்டு இறங்கீச்சினம் காருக்குப் பக்கத்திலை ஒருத்தன் தும்பு முட்டாஸ் கடை போட்டிருந்தாலை வந்த வினை நான் எனக்கு வந்த விசருக்கு ஒரு சிகரட்டைப் பத்திக்கொண்டு இவையள் மூண்டு பேரையும் விடுப்பு பாத்தன் எனக்கும் உண்மையிலை தும்பு முட்டாஸ் எப்பிடி செய்யிறதெண்டு சிவசத்தியமாய் தெரியாது என்ரை மனிசி மூண்டு பேருக்கு தும்பு முட்டாஸ் ஓடர் குடுக்க கடைக்காறன் தன்ரை ஆட்டுக்கல்லு மாதிரி இருந்த மிசினுக்குள்ளை சீனியை போட்டிட்டு மிசனை ஸ்ராட் பண்ணினான் நான் இவன் என்ன குறளி வித்தை காட்டிறான் எண்டு கிட்டப் போய் பாத்தன் மிசின் நல்லாய் சுத்தி சீனி றோஸ் கலரிலை தும்பு தும்பாய் வந்திது ஒவ்வொரு தடியிலை அதை பெரிய உறுண்டையாய் சுத்தி கடைக்கறான் இவையிட்டை குடுத்தான் என்னை விட்டிட்டு மூண்டு பேரும் தும்பு முட்டாஸை மேஞ்சினம் சாதருக்கு வாயெல்லாம் ஒரே றோஸ் கலர் நாங்கள் போற வழியிலை சாத்தர் தூரத்திலை ஒரு தெரிஞ்ச மூண்டு அடுக்குமாடிக் கட்டிடத்தை காட்டினார் அதுகள் ஒரு பெரிய கப்பல் போலை இருந்திதுகள் இதுகள் என்னவெண்டு சாத்தற்ரை வாயைக் கிண்டினன் அவர் சொன்னார் முக்கியமாய் எண்ணை கோஸ்ரியளுக்கு கட்டினதாம் அவையள் எப்பாவது இருந்துட்டு இங்கை வருவினமாம் அதுகளின்ரை பராமரிப்புகள் முழுக்க லோக்கல் ஆக்கள் தானாம் எண்டு சொன்னார் எனக்கு அதுகளைப்பாக்க எலிசபெத் 2 கப்பலின்ரை ஞாபகம்தான் வந்தீச்சிது நாங்கள் வீட்டை சாப்பிட போய் இறங்க சாத்தற்ரை பொடிகார்ட் எங்களைக் காணாத கவலையிலை வீட்டு வாசலிலை நிண்டார் நாங்கள் சாப்பிட்டுப்போட்டு வீட்டுக்கு பின்னாலை இருக்கிற சாத்தற்ரை தோட்டத்தை பாத்துக்கொண்டிருந்தம் சாத்தர் மிளகாய் வெங்காயம் தக்காளி கத்தரி தேசிக்காய் எண்டு எக்கச்சக்கம் காய்பிஞ்சுகள் வைச்சிருந்தார் தான் வீட்டுச்சமையலுக்கு இதிலை இருந்துதான் காய்கறியள் எடுக்கிறவராம் எனக்கு சாப்பிட்ட மயக்கம் கண்ணை சுத்தீச்சிது சாத்தர் சொன்னர் கோ கொஞ்சத்தாலை உங்களுக்கு மொஸ்கோ காட்டப்போறன் எண்டு சொன்னார் நின் நினைச்சன் இவருக்கு என்னைக் கண்டபுழுகத்திலை உண்மையிலையே மரைகழண்டு போச்சுதோ எண்டு நானும் மனிசியும் பின்னேரம் ஐஞ்சு மணி போலை மொஸ்கோ பாக்கப் போனம்

சாத்திரி உண்மையிலேயே எங்களை மொஸ்கோவிற்க்குத்தான் அழைத்துச்செல்கின்றாரா என்ற சந்தேகம் என்னை வாட்டியபடி இருக்க நான் காரினுள் இருந்தேன் எங்களது கார் ஒருசில நிமிடங்களை உள்வாங்கி ஓர் கதீட்ரலின் முன்னே நின்றது அங்கே நான் கண்ட காட்சியை என் கண்கள் நம்ப மறுத்தன அங்கே ஓர் செஞ்சதுக்கத்தைக் கண்டேன் நான் உண்மையிலேயே செயின்ற் பீற்றேர்ஸ் பேர்க்கில் நிற்பது போலவே உணர்ந்தேன்

செயின்ற் நிக்கோலஸ் ஓர்த்தடொக்ஸ் கதீட்ரல் நிக்கோலாஸ் அலக்ஸாண்ட்றோவிச் அரசகுடும்பத்தின் நினைவாக 19 ம் நூற்றாண்டில் ரிசார் நிக்கோலா 2 னால் கட்டப்பட்டதாகும் இந்தக் கதீட்றல் மேற்கு ஐரோப்பாவின் முதலாவது மிகப்பெரிய ஓர்த்தடொக்ஸ் கதீட்ரலாகும் இது அச்சு அசலாக செஞ்சதுக்கத்தின் கட்டிடக்கலையையே கொண்டிருந்தது அதனால்தான் சாத்திரி எங்களை வெறுப்பேற்றினாரோ தெரியவில்லை மாலை நேரத்து சூரியன் தேவாலையத்தின் கோபுரத்தில் பட்டுத் தகதகத்தது நாங்கள் ஆசைதீர மொஸ்கோவில் நின்று படங்களை சுட்டுத்தள்ளினோம் நாங்கள் மறுநாள் பாரிஸ் செல்ல வேண்டியதால் அன்று இரவு எங்களைத் தங்களுடன் நிற்குமாறு சாத்திரி வற்புறுத்தியதால் நாங்கள் மூவரும் நாங்கள் தங்கியிருந்த மேர்க்கியூர் கொட்டேலுக்குச்சென்று எமது அறையை காலி செய்தோம் அங்கும் சாத்திரி தனது தொலைபேசி இலக்கத்தை வாரவேற்பாளினியிடம் கொடுக்கத் தவறவில்லை நாங்கள் மீண்டும் வீட்டை அடைந்தபொழுது சயந்தன் படையணி தங்களது சுற்றை முடித்துக் கொண்டு எங்களுக்காக காத்துக் கொண்டிருந்தார்கள் நான் சாத்திரி சயந்தன் வீட்டிற்குப் பின்புறம் உள்ள தோட்டத்தில் மீண்டும் இலக்கியத்திற்காக ஒன்று கூடினோம் 1664 உம் இலக்கியமும் நன்றாகவே பற்றி எரிந்தன இந்தப் பற்றி எரிதல் எனக்கு நன்றாகவே பயன்பட்டது இலக்கியம் சம்பந்தமாகப் பல புரிதல்களை இந்த சந்திப்பு எனக்கு ஏற்படுத்தியது அவர்கள் இருவரும் கறுப்பு வெள்ளை சாம்பலைப் பிரித்து மேய்ந்து கொண்டிருந்தார்கள்

நேரம் நள்ளிரவைத்த் தாண்டி ஓடிக்கொண்டிருந்தது வெக்கை குறைந்து குளிர்மை எங்களின் வியர்வையைச் சுகப்படுத்தியது நான் நித்திரை சொக்க நெளிந்து கொண்டிருந்தேன் வீட்டின் நடுவே இருந்து சயந்தனுக்கு எச்சரிக்கை மணி அடித்துக்கொண்டிருந்தது நாங்கள் சாப்பிட்டுவிட்டு சயந்தனை அவர் நிற்கும் கொட்டேலில் கொண்டுபோய் விட்டோம் நாங்கள் எல்லோரும் படுக்க அதிகாலை இரண்டு மணியாகிவிட்டிருந்தது மறுநாள் ஞாயிற்றுக்கிழையுடன் எங்களுக்கு மதியம் 1 மணிக்கே எங்களது ரீ ஜீ வி பரிசுக்குப் புறப்பட இருந்தது நான் படுத்த உடனேயே உடல் அசதியினால் தூங்கி விட்டாலும் காலை எழுமணிக்கே எழுந்து விட்டேன் சாத்திரி அந்த அதிகாலை வேளையிலேயே அருகேயுள்ள பேக்கறியில் குறசோண்ஸ்களை வாங்கி தோட்டத்து மேசையில் அடிக்கியிருந்தார் அவைகளின் வாசம் என் நாடிநரம்பையெல்லாம் சூடேற்றியது நான் ஓரு கபேயை போட்டுக்கொண்டு எனது சிகரட்பெட்டியை எடுத்துக் கொண்டு சாத்திரியிடம் வந்தேன் சாத்திரி தான் போட்ட தேனீரை உறிஞ்சியவாறு ஒரு பேப்பறை உறிஞ்சிக்கொண்டிருந்தார் அந்த அதிகாலைவேளை அதற்கே உரிய குணாம்சங்களைக் கொண்டு எனது கபேயுடன் என்னைச் சிலிர்க்க வைத்தது கடிகரத்த்த்தில் நேரம் நகரநகர என்மனமோ நீஸை விட்டு நகரமறுத்து அடம்பிடித்தது நாங்கள் மதியம்சாப்பிட்டு விட்டு புகையிரதநிலையம் செல்ல வெளிக்கிட்டோம்

என்மனது என்னிடத்தில் இல்லை சிலவேளைகளில் பிரிவுகள் என்றுமே என்மனதில் கோடுகிழித்தால் போல ஆழ உழப்பட்டுவிடுகின்றன இந்த தென்கிழக்குச் சீமைப்பயணமும் அவ்வாறே எனக்குத்தோன்றியது சாத்திரியிடம் ஏற்கனவே எனக்குப் பழக்கம் இருந்தாலும் இந்தப் பயணமே சாத்திரி என்ற மனிதனை எனக்கு அறிமுகப்படுத்தியது என்னால் பலவிடையங்களை கிரகிக்க இந்தப்பயணம் உதவியது எமது கார் புகையிரதநிலையத்தில் நுளைந்தபொழுது பெரிய கூட்டம் இருக்கவில்லை சிறிது நேரத்தில் ரீ ஜீ வி ஆடிஅசைந்து வளைந்து நெளிந்து புகையிரத நிலைத்திற்குள் நுளைந்தது சாத்திரியின் முகம் என்னைப்போலவே இறுகிக் காணப்படது நாங்கள் ஏறிய ரீஜீவி மெதுவாக நகர்ந்து வேகமெடுக்கத் தொடங்கியது எனது மனமோ தென்கிழக்குச் சீமையின் இனிய நாட்களை அசைபோட்டுக் கொண்டிருந்தது

கோமகன்.


Post a Comment

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்














000000000000000000000000000000000000
உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா  தாயகத்தின்  குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை  படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…