Skip to main content

சிக்கிய மீனும் சில்லெடுத்த பெயரும் 02 -அறிவியல்.



21 களுவாய் அல்லது கச்சுளுவை மீன் - Whitefin Wolf Herring -Guitarfish.


இந்த மீனுக்கான தூயதமிழ் " களுவாய் மீன் " ஆகும். இதை " திமிறி அல்லது கச்சுளவை " என்றும் அழைப்பர். இந்த மீன் பற்றிய மேலதிக விளக்கங்களுக்கு இந்த இணைப்பினுள் செல்லுங்கள் .

22 கருவௌவ்வால் மீன் அல்லது கருவாவல் மீன் -black pomfret.


இந்த மீனுக்கான தூய தமிழ் " கருவௌவ்வால் மீன் " ஆகும் . இந்த மீன் " கருவாவல் " என்றும் அழைக்கப்படுகின்றது .

23 கீச்சான் மீன்- Tigerfish -The goliath tigerfish. 


இந்த மீனுக்கான தூயதமிழ் " கீச்சான் மீன் " ஆகும் . இதை " கீளி மீன் " அல்லது " "மொண்டொழியன் மீன் " என்றும் அழைக்கின்றார்கள் . உண்மையில் இந்த மீன் எனக்குச் சில்லெடுத்ததாகவே போய்விட்டிருந்தது . மேலும் " கோலியாத் " எனபது தமிழ் பெயரா என்பது ஆய்வுக்கு உட்படுத்த வேண்டியதே. இந்த மீனைப் பற்றிய மேலதிக விபரங்களுக்கு இந்த இணைப்பினுள் செல்லுங்கள் .

24 குதிப்பு மீன் அல்லது சுதும்பு மீன் - False trevally. 


இந்த மீனுக்கான தூயதமிழ் " குதிப்பு மீன் " ஆகும் . இந்த மீன் தமிழகத்தின் வடக்குப்பக்கத்திலே " சுதும்பு மீன் " என்றே இனங்காணப்பட்டுள்ளது . இந்த மீன் பற்றி அறிய இந்த இணைப்பினுள் செல்லுங்கள் .

25 கும்புளா - blue runner. 


இந்தப் படத்தில் இருக்கும் மீனுக்கான சரியான தூயதமிழ் " கும்புளா மீன் " ஆகும் . இந்த மீனை " கும்புளா பாரை மீன் "என்றும் அழைப்பர் . சிலவேளைகளில் இது பாரை மீன் வகையைச் சேர்ந்ததால் வேறுபடுத்திக் காட்டுவதற்காக அப்படி அழைக்கின்றார்களோ எனக்குத் தெரியவில்லை . மீன் பிரியர்கள்தான் எனக்கு இதை தெளிவுபடுத்த வேண்டும் . கும்பிளா மீன் பற்றி மேலும் அறிய இந்த இணைப்பினுள் செல்லுங்கள் .

26 கொண்டை மீன் அல்லது காலா மீன் - Salmon Fish. 


இந்த மீனுக்குரிய தூயதமிழ் பெயர் " கொண்டை மீன் " ஆகும் இதை " காலா மீன் " என்றும் இதை அழைப்பார்கள் . இந்த மீன் அத்திலாந்திக் பசுபிக் சமுத்திரங்களில் துள்ளித் திரிந்து கரடிகளின் விருப்ப உணவாக இருப்பதால் என்னவோ உங்கள் வலைகளில் மாட்டவில்லை . இந்த மீனைப் பற்றி அறிய இந்த இணைப்பினுள் செல்லுங்கள் .


27 குருவித்திருக்கை மீன் அல்லது வௌவால் திருக்கை மீன்-  spotted eagle ray. 


இந்த படத்துக்குரிய தூயதமிழ் பெயர் " குருவித் திருக்கை மீன் அல்லது வௌவால் திருக்கை மீனாகும் " . இந்த மீனைப் " புள்ளித் திருக்கை மீன் " என்றும் கூறுவார்கள் . இந்த மீனுக்கு உடலை விட வால் மிகவும் நீளமாக இருக்கும் . அந்தக்காலத்தைய ஊர் சண்டியர்கள் " திருக்கைவார் "கொண்டு ஆட்களைத் தாக்குவதாகக் கேள்விப் பட்டிருக்கின்றேன். இந்த மீன்பற்றிய மேலதிக தகவல்களுக்கு இந்த இணைப்புகளில் செல்லுங்கள்:



28 கொய் மீன் அல்லது நுணலை மீன் - gizzard shad. 


இந்தப் படத்திற்கான தூயதமிழ் " நுணலை மீன் " ஆகும் . இதைக் " கொய் மீன் " என்றும் அழைப்பர். இந்த மீன் பற்றிய மேலதிக தகவல்களுக்கு இந்த இணைப்பினுள் செல்லுங்கள்


29 கொப்பரன் மீன் - black marlin-Istiompax indica . 












இந்தபடத்தலுள்ள மீனுக்கான தூயதமிழ் " கொப்பரன் மீன் " ஆகும் . இதை தமிழ்நாட்டில் சில இடங்களில் " மயில் மீன் " என்னும் அழைப்பார்கள் . தலபத்து மீனா கொப்பரன் மீனா என்று அலசி ஆராய்ந்ததில் இரண்டுமே வகைப்படுத்தலில் ஒன்றானாலும் , குடும்பங்களில் வேறுபடுகின்றன . தலபத்து மீனில் தலையில் இருந்து வால்வரை உயரங்கூடிய சிறகுகள் காணப்படும் . ஆனால் கொப்பரன் மீனில் தலையில் மட்டுமே சிறகு காணப்படும் . உருவத்திலும் இவை வித்தியாசப்படும் . தலபத்து மீன் நீளத்தில் குறைவாகவும் , கொப்பரன் மீன் கருப்பு நிறத்துடன் நீளம் கூடவாக இருக்கும் . இவையிரண்டுமே அதிவேகமாக மணிக்கு 130 கிலோமீற்றர் வேகத்தில் நீந்தக்கூடியவை . இந்த மீன்னைப்பற்றிய விளக்கத்திற்கு இங்கே நுளையுங்கள் .

30 செவ்விளைமீன் - RED SNAPPER. 


இந்தப் படத்தில் உள்ள மீனுக்குரிய தூயதமிழ் " செவ்விளை மீன் " ஆகும் . இதனை " சங்கரா செவ்விளை மீன் " , " செப்பலி மீன் " , " செப்பிலி மீன் " என்றும் அழைப்பர். இந்த மீன் பற்றி அறிய இந்த இணைப்பினுள் செல்லுங்கள்.



கோமகன் 

2 comments

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்

00000000000000000000000



உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக்கான அடையாளத்…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா தாயகத்தின் குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…