Skip to main content

சுருக்கு சுறுக்கரின் தவறணை புசத்தல்கள் பாகம் 03




வணக்கம் பிள்ளையள் ,

எப்பிடி சுகநயங்கள் ? நான் சுருக்கு சுறுக்கர் தான் பாருங்கோ . சுறுக்கருக்கு ஆயிரத்தெட்டு சோலியள் கண்டியளோ . அதாலை கொஞ்சம் சுணங்கிப் போட்டுது சுறக்கர் உங்களை எல்லாம் சுகநயம் விசாரிக்க . அதோடை சுறுக்கருக்கும் சுருக்கெண்டு நாலு விசையங்கள் இருந்தால்தானே உங்களோடை கூச்சநாச்சமில்லாமல் பம்பல் அடிக்கலாம் . நீங்களும் ஏதாவது சுறுக்கருக்கு ஏதாவது சொல்ல வசதியாய் இருக்கும் .

இப்ப ரெண்டு மூண்டு நாளாய் தமிழகத்திலை எங்களுக்காக மாணவர்கள் எல்லாம் போராட்டத்திலை குதிச்சிருக்கினம் . நல்ல விசையம்தான் . இந்த மாணவர் போராட்டங்கள் ஐஞ்சுசதத்துக்கு உதவாது எண்டு சொல்லிற அளவுக்கு சுறுக்கர் ஒண்டும் தரங்கெட்டவன் இல்லை . சுறக்கர் எப்பவுமே மாணவரின்ரை உணர்வுகளுக்கு மரியாதை செய்யிறவன் . ஆனால் சுறுக்கரிட்டை சுருக்கெண்டு கொஞ்சம் சமசியங்களும் கிடக்கு . அது என்னண்டால் , இந்தியாவின்ரை வெளிநாட்டு கொள்கையளை முடிவு செய்யிறது " றோ " எண்டு சின்னப்பிள்ளைக்கும் தெரிஞ்சவிசையம் . முள்ளிவாய்க்காலிலை உலகத்திலேயே ரெண்டாவது பெரிய இனப்படுகொலை நடக்கேக்கை தமிழகத்திலை பெரிய பூகம்பம் வெடிச்சுது . அப்ப மாறாத " றோ " இப்ப மட்டும் இந்த மாணவர் போராட்டங்களாலை மாறுமோ ??? எண்டது சுறுக்கிரின்ரை சமசியம் பாருங்கோ . ஏனெண்டால் ஒரு கள்ளனோடை சேந்த மத்தக் கள்ளனிட்டை போய் தமிழனுக்கு உதவி செய்யுங்கோ மத்திய அரசே எண்டு கேக்கிற அரசியல் சூத்திரம் சிவசத்தியமாய் சுறுக்கருக்கு விளங்கேலை !!!!!!!

இப்ப........ இந்த தமிழகத்தின்ரை தனித்தமிழ் நாடுக்கோரிக்கையை கடைஞ்செடுத்த போக்கிலி அரசியலுக்காக விட்டவை இந்த திராவிட கட்சியள் . இப்பவும் இவையள்தான் ஆட்சியிலை இருக்கினம் . ஒரு தனியான சுயாட்சி உள்ள தமிழ் நாட்டுக் குடியரசிலை இருந்து அதின்ரை மாணவர்கள் நீங்கள் எங்களுக்கு ஆதரவாய் றோட்டிலை இறங்கினால் அதிலை ஒரு அர்த்தம் இருக்கு கண்டியளோ . நீங்கள் இருக்கிறது இந்தியாவின்ரை ஆழுகைக்கு உள்பட்ட ஒரு மாநிலம் . இதுகள் விளங்காமல் எங்கடை இணைய போராளியள் உங்களை பாத்து , பட்டையை கிளப்புங்கோடா கிளப்புங்கோடா எண்டு விசில் அடிக்கிறாங்கள் . கதை கவிதையெண்டு கீ போர்ட் அனல் பறத்திது . எனக்கு இதுகளை பாக்க 2009 லை அடிச்ச விசில்கள் மாதிரி கிடக்கு . இந்த இணைய முதலாளியள் எல்லாம் உங்களுக்கு ஆதரவாய்த் தான் செய்தியள் போடவேணும் எண்டு சொல்லுகினம் . அவைக்கு தங்கடை இணையங்களை றாங் கூட்டவேணும் எண்ட பிரச்சனை பாருங்கோ. ஆனால் ஒரு விசையம் பாருங்கோ சுறுக்கர் சொல்லிறன் எண்டு கோபிக்கப்படாது , "வடக்கத்தையான்" புலம்பெயர்ந்த டமில்ஸ்சுக்கு வேண்டாமாம் . ஆனால் அவனின்ரை நாட்டிலை இருக்கிற ஒரு மானிலத்திலை இருக்கிற நீங்கள் றோட்டிலை நிக்கிறது வேணுமாம் . இது மொள்ளமாரிவேலையல்லோ??? அப்ப நான் வரட்டோ பிள்ளையள்..... 






சுருக்கு சுறுக்கர்


16 பங்குனி 2013

Post a Comment

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்

00000000000000000000000



உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக்கான அடையாளத்…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா தாயகத்தின் குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…