Skip to main content

பகிரங்கமாகவே விலகுகின்றேன் - யாழ் இணையத்தால் - தடை செய்யப்பட்டதற்கு எதிர்வினை.


இன்று மாலை எனக்கு யாழ் இணைய நிர்வாக மட்டத்தில் இருந்து ஓர் கடிதம் வந்து இருந்தது அது சொல்லிய செய்தி என்னவென்றால்,

0000000000000000000000000

வணக்கம் கோமகன்,

சமூக வலைத்தளங்களில் கிடைக்கும் சந்தர்ப்பங்களில் எல்லாம் யாழையும் யாழ் கள உறுப்பினர்களையும் தரம் தாழ்த்தி எழுதுவது நாம் அறிந்தது தான். அதன் வழியில் சுயமதிப்பீடு பற்றி யாழில் கேள்வி கேட்டவர்களை கொசுக்கள் என்று மிகவும் தரம் தாழ்த்தி சமூக வலைத்தளங்களில் நீங்கள் எழுதியதையும் நாம் அறிவோம்.

யாழ் இணையம் மீது உங்களுக்கு விமர்சனம் இருப்பின் எம்மிடமோ அல்லது அதனை சகல உறுப்பினர்களும் அறியும் வண்ணம் நாற்சந்தியிலோ கேட்டு இருக்கலாம். ஆனால் அப்படிக் கேட்காமல் இப்படி யாழ் உறுப்பினர்களையும், நிர்வாகத்தினையும், யாழ் இணையத்தினையும் தரம் தாழ்த்தி யாழுக்கு வெளியே சமூக வலைத்தளங்களில் விமர்சிப்பதை தொடர்ந்து பார்த்துக் கொண்டு இருக்க முடியாது.

இப்படியான விடயங்களை நீங்கள் செய்வது இது முதல் தடவையும் அல்ல என்பதை நாம் அறிவோம் என்பதையும் நீங்கள் அறிவீர்கள்.

உங்களுக்கு மூன்று தெரிவுகளைத் தர விரும்புகின்றோம்.

ஒன்று:

யாழ் கள உறவுகளிடம் மன்னிப்புக் கேட்பது.

இரண்டு:

யாழ் மீதும் அதன் உறுப்பினர்கள் மீதும் 'கொசு' என்று குறிப்பிடும் வண்ணம் மோசமான எண்ணம் கொண்ட நீங்கள் ஒன்று, நீங்களாகவே யாழை விட்டு தானாகவே வெளியேறுவது.

மூன்று:

எம்மால் வெளியேற்றப்படுவது

உங்களுக்கு வசதியான முடிவை எடுக்கும் உரிமையை உங்களிடம் விட்டு விட்டு உங்கள் முடிவை உடனடியாக அறியத் தருமாறு கேட்டுக் கொள்கின்றோம்.

நன்றி.

யாழ் இணைய நிர்வாகிகள்.

000000000000000000000000000

யாழ் இணையம் தமிழையும் தமிழர் தேசியத்தையும் வளர்த்தெடுக்குமுகமாக உலகத்தமிழரை ஒருங்கிணைக்க உருவாக்கப்பட்ட கருத்துக்களத்துடன் கூடிய இணையைத்தளமாகும். ஆனால் கடந்த சில வருடங்களாக அது தனது பாதையில் இருந்து முற்று முழுதாக விலகி ஒரு சிலரின் சந்தோசத்துக்காகவும் , நிர்வாக மட்டத்தில் இருக்கும் ஒருவரின் தனிப்பட்ட விருப்பு வெறுப்புகளுக்காகவும் இயங்குகின்ற இணையமாகவே காணப்படுகின்றது. அத்துடன் கருதக்கள விதிகளை நிர்வாகமே இயற்றி தங்களுக்கு வேண்டியவர்களுக்கு களவிதிகளில் தாராளமாகவே சலுகைகளையும் காட்டி, தங்களுக்கு பிடிக்காதவர்களை அதே களவிதிகளை போட்டு பழிவாங்கும் போக்குகளால் நானாகவே இந்த இணையத்தில் இருந்து விலகுவதாக முடிவெடுத்தேன். அவர்கள் எனக்கு அனுப்பிய கடிதத்தில் நான் கள உறவுகளிடம் " மன்னிப்பு " கேட்க வேண்டும் என்றும் குறிப்பிட்டு இருந்தனர். இது அநாகரீகத்தின் உச்சக்கட்டமாகும் . ஏனெனில் கருத்துக்களத்தில் எல்லோருமே புனைபெயர்களில் முகமூடிகழுடன் வருபவர்கள். ஒரு முகமூடி இன்னொரு முகமூடியிடம் மன்னிப்பு கேட்பது என்பது கருத்துப்பயங்கரவாதாமாகும். யாழ் இணையத்தின் கருத்துக்களத்தில் நான் பின் வரும் கேள்விகளை எழுப்பி அவர்களை பொது விவாத்துக்கு அழைத்தேன் .

01 சமூக வலைதளங்களில் கள உறவு ஒருவர் தனது சிந்தனைகளை வெளிபடுத்த கருத்துக்கள விதிமுறைகள் தடை செய்கின்றனவா ?

02 நான் எந்த இடத்தில் எங்கு என்ன திகதியில் நிர்வாகம் சொல்கின்ற குற்றங்களை செய்தேன் என்பதை நிர்வாகம் ஆதார பூர்வமாக இந்த பதிவில் வெளிப்படுத்துமா ?

அப்பொழுது நான் முக நூலில் யாழ் இணையத்தின் கள உறவை "கொசு" என்று அழைத்ததாக சொல்லப்பட்டது. கொசு என்ற பெயர் தமிழில் அவ்வளவு தரம் கேட்ட வார்த்தையா என்ன ? நான் விலகியதன் பின்பும் எனக்கு எந்த வித அறிவிப்பும் இல்லாமல் எனது சுய விபரக்கோவையில் " தடை செய்யப்பட்டோர் " என்று மேலதிக சொல்லாடலயும் போட்டு என்னை அவமானப்படுத்துவதிலேயே நிர்வாகம் குறியாக இருக்கின்றது. நானும் , யாழ் இணையத்தின் வளர்ச்சி மீது அக்கறை கொண்ட ஒருசிலரும் மேற்கொண்ட உள்ளகத் தொடர்பாடலுக்கு இது வரை எந்த விதமான பதில்களையும் தராது யாழ் இணைய நிர்வாகம் ஜனநாயக விரோதப்போக்கையே தொடர்கின்ற நிலையில் இந்த எதிர் வினைய எனது வாசகர்களுக்கு தெரியப்படுத்துகின்றேன் .மேலும் இது எனது தனிபட்ட பிரச்னை இல்லை . ஒரு கருத்துக்கள உறவை நிர்வாகம் தடை செய்வது என்பது அவ்வளவு இலகுவான காரியம் இல்லை . அதற்கு கருத்துக்கள விதிமுறைகளும், பெரும்பான்மையான கருத்துக்கள உறவுகளினது ஆதரவும் இருக்க வேண்டும். அதை விடுத்தது தனிபட்ட ஒருவர் தனது விருப்பு வெறுப்புகளின் படி நிர்வாகத்தில் செயல்படுவது என்பது, ஜனநாயகத்தையும் கருத்துச் சுதந்திரத்தையும் கேலிசெய்வதுடன் மட்டுமில்லாமல், எந்த நோக்கத்துக்காக யாழ் இணையம் ஆரம்பிக்கப்பட்டதோ அதன் நோக்கத்தையே காலடியில் போட்டு மிதிப்பதாகும் .

எந்த வித ஆதாரங்களும் இன்றி சகட்டு மேனிக்கு என்மீது குற்றச்சாட்டுகளை அடுக்கி மீண்டும் என்மீது சேறு அடிப்பதையே நிர்வாகம் செய்து கொண்டு இருக்கின்றது. யாழ் இணையம் கள உறவுகளின் பதிவுகளை சமூக வலைதளங்களில் பகிருவதற்கு வசதிகளை ஏற்படுத்திக்கொண்ட இணையதளமாகும். நான் சமூகத்தளங்களில் எனது சிந்தனைகளை எழுதவதற்கு பூரண சுதந்திரம் உடையவன். நான் எந்த இடத்திலும் யாழையோ எனது சக கள உறவுகளையோ தரக் குறைவாக எழுதியது கிடையாது. எனது வலைப்பூவில் வந்த ஒரு அனோமதேய கருத்து ஒன்றிற்கே எனது சிந்தனைகளை முக நூலில் குறிப்பிட்டிருந்தேன். எனது வலைபூவில் வரும் அனோமதேய கருத்துக்களை நான் வரவேற்று அதை வெளியில் விடுவதில்லை. ஏனெனில் தனது சொந்த கருத்தில் நம்பிக்கை இல்லாதவர்களே பெயரை குறிப்பிடாது அநோமதேயமாக வந்து கருத்து போடுவார்கள் என்பது எனது தனிபட்ட கருத்தாகும் . இது இப்படி இருக்க நிர்வாகத்தின் இன்றைய கடிதம் எனக்குப் புரியாத புதிராகவே உள்ளது.

நான் இதுவரைகாலமும் கருத்துகள உறவுகளுடன் அநாகரிகமான சொல்லாடல்களை மேற்கொண்டதில்லை. எல்லோருடனும் பண்புடனேயே நடந்து வந்து கொண்டு இருக்கின்றேன். இல்லாத விதிகளை சேர்த்து நிர்வாகம் என்னை தடை செய்வதை விட நானாகவே கௌரவத்துடன் இன்றில் இருந்து விலகி கொள்கின்றேன். இறுதியாக வேண்டா பெண்டில் கை பட்டால் குற்றம் கால் பட்டால் குற்றம் என்று நினைக்கும் நிர்வாகத்துடன் நான் மல்லுக்கட்ட விரும்பவில்லை. ஆனால் எனது எழுத்துப்பணி இணய வெளி எங்கும் பரவும். கள உறவுகள் எனது ஆக்கங்களை எனது வலை பூவிலும் முக நூலிலும் பார்த்துக் கொள்ளலாம். நன்றி வணக்கம்.


கோமகன்
15 சித்திரை 2014




2 comments

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்

00000000000000000000000



உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக்கான அடையாளத்…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா தாயகத்தின் குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…