Skip to main content

உதிர்ந்த சருகு - கி .பி .அரவிந்தன் நினைவேந்தல்.





"தர்க்கம் செய்து, குதர்க்கம் செய்து, கடித்து, ஜோக் சொல்லி, பாடி, அலங்காரம் செய்து, ஒதுங்கி நின்று, கூடி கும்மியடித்து, அடுத்தவரை மட்டம் தட்டி, தன் கதை பேசி, ஊர் வம்பு பேசி, அறிவுத் திறனைக் காட்டி, தனது இயலாமையை பறை சாற்றி, இறுமாப்பு காட்டி, தன் நோயைச் சொல்லி, தன் வலிமையை காட்டி, இப்படி எதையாவது செய்து அடுத்தவரின் கவனத்தைக் கவர வேண்டும். அதுவே உயிர் வாழத் தேவைப்படும் மிக முக்கிய உணவாக இன்றைய மனிதனுக்கு இருக்கிறது. "

ஓஷோ 

000000000000000000000000000000

கடந்த இரண்டு நாட்களுக்கு முன்பு ஓஷோ கூறியதா க கவன ஈர்ப்பு பற்றிய   நிலைத்தகவல் ஒன்றை எனது முகனூலில்  பதிவு செய்திருந்தேன் . நாங்கள் எவ்வளவுதான் எங்கள் வாழ்க்கையில் சந்தோசமாக இருக்கின்றோம் என்று மற்றையவர்கள் முன்பு காட்டிக்கொண்டாலும் இறப்பு என்பது  நாம் கருவில் உருவாகிய கணத்தில் இருந்தே எம்மை நோக்கி நடந்து கொள்ள ஆரம்பிக்கிறது. அது எம்மை எப்போ வந்தடைகிறது என்று என்பதை எவராலும் ஊகிக்கமுடிவதில்லை என்பதனால் இறப்பு பற்றிய பிரக்ஞை இன்றி காற்றில் நடந்துகொண்டிருக்கிறோம். அவ்வப்போது இறப்பு  எமது  கையைப் பிடித்து நிறுத்தி, எமது  காதுக்குள் ”நான் இருக்கிறேன், மறந்துவிடாதே” என்று தன் இருப்பை குசுகுசுத்துவிட்டு நகர்ந்துகொள்கிறது என்று ஒரு சில கிழமையின் முன்பாக சஞ்சயனும்  இறப்பு பற்றிய தனது எண்ண  வெளிப்பாட்டை குறிப்பிட்டிருந்தார். 

வழமை போல இன்றைய காலைப்பொழுதிலும் ஓர் இறப்பு எனது காதில் தான் இருக்கின்றேன் என்று குசுகுசுத்து விட்டுச் சென்றிருக்கின்றது. கிறிஸ்டோபர் பிரான்ஸிஸ் என்ற கி  பி அரவிந்தன் இன்று காலையில் இருந்து எம்மிடம் இல்லை. முன்னைய பந்தியில் ஓஷோ குறிப்பிட்டதில் எந்தவித பாதிப்புகளும் இல்லாமல் சந்தடியின்றி எம்மை விட்டுப் பிரிந்துவிட்டார் கி  பி அரவிந்தன். ஓர் சிறிய செயலை செய்துவிட்டு அதனை விளம்பரமாக்கி பப்படா வாழ்க்கை வாழ்ந்து வரும் பலரிடமிருந்து கி  பி அரவிந்தன் முற்றிலும் மாறுபட்டவராகவே வாழ்ந்து வந்திருக்கின்றார். ஈழத்தேசிய விடுதலைப்போராட்டத்தின் ஆரம்ப நிலை உறுப்பினராக இருந்த கி  பி அரவிந்தனைப் பலருக்குத் தெரியாது. 1972 ஆம் ஆண்டு இலங்கையில் கைது செய்யப்பட்ட அரவிந்தன் மீண்டும் 1976 இல் இலங்கை அரச படைகளால் கைது செய்யப்பட்டு சிறை சென்றார்.



1990 களில் பிரான்ஸில் குடியேறிய கி  பி அரவிந்தன் புலம்பெயர் இலக்கியத்துக்கு அளப்பரிய பங்கு ஆற்றியிருக்கின்றார். அடிப்படையில் ஓர் கவிஞராக இனங்காணப்பட்ட கி  பி அரவிந்தனது பல கவிதைகள் பிரெஞ் மொழியில் வெளிவந்தன. மௌனம் என்ற இலக்கிய இதழையும் அப்பால் இனையத்தளத்தையும் நடாத்தி வந்தார். அண்மைக்காலமாக கடுமையாக நோய்வாய்ப்பட்டாலும் பல நூல்கள் வெளிவருவதற்கு காரணகர்த்தாவாக இருந்திருக்கின்றார் கி  பி அரவிந்தன். அதில் குணா கவியழகனின் "நஞ்சுண்ட காடு " நூல் குறிப்பிடத்தக்கது . தான் சார்ந்த அரசியல் பாதையில் தனது அனுபவங்களை ஓர் வரலாற்றுப்பதிவாக எம்மிடையே விட்டுச்சென்றிருக்கின்றார். ஆரம்ப காலகட்டத்தில் பொன் சிவகுமாரனுடன் போராட்ட அரசியலை ஆரம்பித்து பின்னர் ஈழப்புரட்சிகர அமைப்பின் சுந்தர் என்று இனங்காணப்பட்டு மத்திய குழு உறுப்பினராக தனது அரசியல் பங்கினை நீண்டகாலமாக செய்துவந்தார். இங்கு பிரான்ஸில் அரசியலிலும் பொதுவெளிகளிலும் ஒதுங்கியே இருந்தார். அதனால்தான் என்னவோ இன்றைய புலம் பெயர் ஈழத் தேசிய  அரசியல் அமைப்புகள் பல கி  பி அரவிந்தனின் மறைவு செய்தியில் கள்ள மௌனம் சாதிக்கின்றன. இத்தகைய கள்ள மௌனங்கள்  கடுமையான கண்டனத்துக்குரியது .கி  பி அரவிந்தனின் மறைவு ஈழத்தமிழன் போராட்ட வரலாற்றில் ஓர் ஈடு செய்ய முடியாத இழப்பாகும்.



கோமகன் 
08 பங்குனி 2015

Post a Comment

Popular posts from this blog

"சமூகம் எனக்கு என்ன தந்தது என்பதை விட நான் என்ன சமூகத்திற்கு கொடுத்தேன் என்பதை சிந்திக்கவே நான் விரும்புகின்றேன் ". புலோலியூரான் - நேர்காணல்.

ஈழத்தின் வடமாராட்சி பகுதியான தம்பசிட்டியில் பிறந்து ஜெர்மனி டுசில்டோர்ஃப்,  (Düsseldorf) நகரில் வாழ்ந்து வரும் டேவிட் யோகேசன் புலம் பெயர் இலக்கியப்பரப்பில் "புலோலியூரான்" என்ற புனை பெயரில் அறிமுகமானவர். இவருடைய ஆக்கங்கள் இதுவரை இலக்கியப் பரப்பில் ஆவணப்படுத்தாவிட்டாலும், ஓர் சிறந்த அறிவியல் சிந்தனையாளராகவும் , கணணியியல், பொருளாதாரம், திட்டமிடல், நிதி துறை சார் வல்லுனராகவும் ,அரசியல் செயற்பாட்டாளராகவும்  ,பயிற்சி விமான ஓட்டியாகவும் , ஜேர்மன் அரசினது ஆரம்பகால கணணி மென்பொருள்துறை ஆலோசகராகவும் ஆசிய, வளைகுடா மற்றும் ஆபிரிக்க தேசங்களில் பொருளாதாரம், திட்டமிடல், நிதி ஆலோசகராக என்று பன்முகப்படுத்தப்பட்ட இளைய தலைமுறையை சேர்ந்த புலோலியூரானை வாசகர்களுக்காக பல கட்ட மின்னஞ்சல் பரிவர்த்தனைகள் மூலம் நான் கண்ட நேர்காணல் இது .............
கோமகன்

00000000000000000000000



உங்களை நான் எவ்வாறு தெரிந்து கொள்ள முடியும்?
" மன்னிக்கவும், நீங்கள் யார் என சொல்லுங்கள்?"!! இலங்கையில் இருந்து ஜேர்மன் வரை நான் அடிக்கடி எதிர்கொண்ட கேள்விகளில் ஒன்று இது. என் வாழ்க்கையில் நான் எதிர்கொண்ட எனக்கான அடையாளத்…

"ஆண்கள் உடல்அரசியலைப் பேசலாம் என்றால்,பெண்கள் ஏன் உடலரசியலைப் பாடக்கூடாது"?-நேர்காணல் புஷ்பராணி சிதம்பரி.

ஈழத்தின் வடபுலத்தில்  மயிலிட்டிக் கிராமத்தைப் பிறப்பிடமாகக் கொண்டு தற்பொழுது பிரான்ஸில் வசித்து வரும்  புஷ்பராணி, தமிழ் ஈழ விடுதலைப் போராட்டத்தின் ஆரம்பகால  அமைப்புகளான தமிழ் இளைஞர் பேரவையிலும்,அதன் பின்னர் தமிழ் ஈழ விடுதலை இயக்கத்திலும் (TLO) இயங்கிய பெண்போராளி ஆவார். அத்துடன் இவர் தமிழ் இளைஞர் பேரவையின் மகளிர் பிரிவுக்கு  அமைப்பாளராக இருந்திருக்கின்றார். ஆயுதம் தாங்கிய தமிழ் ஈழத்தேசியவிடுதலைப்  போராட்ட வரலாறில் முதன் முதலாகச்  சிறை சென்ற இரு பெண்போராளிகளில் ஒருவராக எம்மிடையே அடையாளப்படுத்துள்ளார். இவர் பல்வேறு தளங்களில் இருந்தவர்களுடனும், அன்றிருந்த தமிழ் ஈழத்தேசிய விடுதலைப்போராட்ட  இயக்கங்களின் தலைமைப் பொறுப்புகளில் இருந்தவர்களுடனும், அவர்கள் அந்தப் பொறுப்புகளுக்கு வருவதற்கு முன்பாகவே அவர்களுடன் ஒன்றிணைந்து  தமிழீழ விடுதலைப்போராட்டத்தில் ஓர் சக போராளியாக இருந்திருக்கின்றார். இந்த விடுதலைப்போராட்டத்தில்  பலவிதமான சித்திரவதைகளையும் சாதியரீதியாக  ஒடுக்குமுறையையும் சந்தித்தவர் புஷ்பராணி சிதம்பரி. அன்றைய காலகட்டத்தில் இருந்த சாத்வீகப்  போராட்டத்தில் நம்பிக்கை இழந்த இளைய தலைமுறையினருடன் …

"கலை உண்மையைப் பேசவேண்டும் ; கலைஞனும் உண்மையின் பக்கத்திலேயே நிற்க வேண்டும்" - நேர்காணல் யேசுராசா.

அ.யேசுராசா தாயகத்தின் குறிப்பிடத்தக்க கவிஞர், சிறுகதையாசிரியர், விமர்சகர், இதழாசிரியர் மற்றும் பதிப்பாளர் என்று பன்முக ஆளுமை படைப்பாளி . 1968 முதல் கவிதைகள், சிறுகதைகள், மொழிபெயர்ப்பு, பத்தி எழுத்துக்கள், விமர்சனம் போன்ற பல தளங்களில் தீவிரமாக இயங்கிவரும் அ .யேசுராசா கலை, இலக்கியங்கள் அனுபவ வெளிப்பாடாய் அமையவேண்டுமென்பதிலும், கலை இலக்கிய உலகில் அறம்சார்ந்த நிலைப்பாடு பேணப்பட வேண்டுமென்பதிலும் உறுதிகொண்டதோர் இலக்கியவாதி . அத்துடன் நின்றுவிடாது யாழ். திரைப்பட வட்டம், யாழ். பல்கலைக்கழக புறநிலைப் படிப்புகள் அலகின் திரைப்பட வட்டம் என்பவற்றில் தீவிரச் செயற்பாட்டாளராக இருந்திருக்கின்றார் .
பதினொரு ஈழத்துக் கவிஞர்கள், மரணத்துள் வாழ்வோம், தேடலும் படைப்புலகமும் ஆகிய நூல்களின் தொகுப்பாளர்களில் ஒருவராகவும் . காலம் எழுதிய வரிகள் கவிதைத் தொகுதியின் தொகுப்பாளராகவும் . அலை சிற்றேட்டில் முதலில் ஆசிரியர் குழுவிலும் - நிர்வாக ஆசிரியராகவும் பின்னர் 25ஆவது இதழிலிருந்து ஆசிரியராகவும் இருந்த அ .ஜேசுராசா , இளைய தலைமுறையினரின் வளர்ச்சியை இலக்காகக் கொண்டு கவிதை, தெரிதல் ஆகிய இதழ்களை வெளியிட்டு அவற்றின் ஆசிரிய…