Skip to main content

Posts

Showing posts from 2017

யூலை 83 உன்னை மறப்பேனோ ? - கவிதை - கோமகன் .

காலம் என்ற காலச்சுவட்டில்
என் நினைவுத்தடங்கள் பல
ஆழப்புதையுண்டு அழிந்தாலும் ,
இந்தமாதமும் இந்த நாளும்
என்மனதின் ஓரத்தில்
ஆழமாய்க்கீறி
ஆறாவடுவாய் போனது…..
மாம்பழத்தீவை இனவாத
வண்டுகள் அரித்து ,
அங்கொன்றும் இங்கொன்றுமாய்
கருக்கட்டிய இனத்துவேச மேகங்கள் ,
உக்கிர இரத்தமழை பொழிந்ததும்
இந்த மாதமே……….
சிங்கத்தின் வம்சங்கள்
தமிழ் பெண்டுகளை வகைதொகையாயாய்
வேட்டையாடி கொக்கரித்ததும்
இந்த மாதேமே !!!!!!!!
அட பனங்கொட்டைத்தமிழா
நீ எங்கள் அடிமையடா
என்று சொனதும் இந்த மாதமே !!!!
அடிமைப்பட்ட தமிழன் (ர்கள் )
ஊரிலே பொங்காது ,
உயிரை மட்டு காப்பாற்ற
உலகெங்கும் பொங்கச் சென்றதும் ,
புலிபிடிக்குது சிங்கம் பிடிக்குது
என்று பொய் சொல்லி
வெளிநாட்டில்
ஒருபகுதி போய்ச்சேந்ததும்
இந்தவருடமே !!!!!!!!!!!!!!!
வல்லிபுரத்தான் கண்ட கனவில்
வசந்தமாய் வந்தவனே
உன்னை நான் எப்படி மறப்பேன் ????????
எல்லோரும் ஒருதிசையில் ஓட
நீ மட்டும் எதிர்திசையில் ஓடினாயடா…..
ஊனை உருக்கி
தமிழன் மானம் காத்தவனே
கந்தகநெடியில் கடுகியே கரைந்தாயே !!!!!!!
உனையும் இந்தவருடத்தையும்
நான் எப்படி மறப்பேன் ?
கோமகன்
5 யூலை 2013












மகளிர் தினம் ஓர் நோக்கு - கட்டுரை.

சர்வதேச மகளிர் தினத்தின் மூலவேர் பிரான்ஸ் -ஐச் சேர்ந்தது. 17 ஆம் நூற்றாண்டில் சுதந்திரம் சகோதரத்துவம் சமத்துவம் என்ற கோசத்துடன் பிரெஞ் புரட்சி முன்னெடுக்கப்பட்ட பொழுது பெண்களும் ஆண்களுக்குரிய அதே உரிமைகளான வேலைக்கேற்ற சம்பளம் , எட்டு மணித்தியால வேலை , வாக்குரிமை , பெண்ணடிமைத்தனத்தில் இருந்து விடுதலை போன்ற கோரிக்கைகளை முன்னிறுத்தி போராட்டங்களில் ஈடுபட்டனர். இதன் தாக்கம் ஐரோப்பாவெங்கும் பரவியது. பலவருடங்களாக தொடர்போராட்டமாக நடைபெற்ற இந்த போராட்டம் அப்போதைய மன்னரான லூயிஸ்  பிளாங்க் மூலம் பெண்களின்  அரசவை ஆலோசனைக்குழுக்களில் பிரதிநிதித்துவம் மற்றும் வாக்குரிமை போன்ற தீர்வுகளால் 08 மார்ச் 1848 ஆம் ஆண்டு நிறைவுக்குக் கொண்டுவரப்பட்டது.

இன்றய கால கட்டத்தில் மகளிர் விடுதலை உண்மையில் மகளிருக்கு கிடைக்கப் பெற்றுள்ளதா என்றால் இல்லை என்பதே வலியான விடையாகின்றது. எவ்வளவுதான் அறிவிலும் பொருளாதாரத்திலும் பெண்கள் உயர்ந்து நின்றாலும், அவர்களை உழைப்பு சுரண்டல் ,பாலியல் சுரண்டல், அங்கீகார சுரண்டல் போன்றவை தொடர்ந்து கொண்டுதான் இருக்கின்றன. இவற்றை அன்றாடம் வருகின்ற செய்திகள்  உறுதி செய்துகொண்டுதான் இருக்கின்…

நடு சஞ்சிகையின் "கிழக்கிலங்கை சிறப்பிதழ்" பற்றி இவர்கள் இப்படிச் சொல்கின்றார்கள்.

தமிழில் வெளியாகும் இணைய இதழ்களில் வெளியாகும் எழுத்துகள் அனைத்தையும் வாசித்து முடிப்பதில்லை. ஆனால் பிரான்சிலிருந்து வரும் நடு இதழின் முக்கால்வாசியை வாசித்துவிடுவதுண்டு. லண்டனிலிருந்து வரும் எதுவரை இதழும் அப்படி வாசிக்கும் இதழ்.
தமிழ் இலக்கியத்தின் உலகப்பரப்பை அறியவிரும்பினால் இவற்றை வாசித்தே ஆகவேண்டும். ஆம் தமிழ் இலக்கியம் தமிழ்நாட்டிலிருந்து கழண்டுபோய் வெகுகாலமாகிவிட்டது.இப்போது வந்திருக்கும் நடு-வின் விவரங்கள் இங்கே.
00000000000000000000000000000
இதழ் 05 கிழக்கிலங்ககை சிறப்பிதழ். இவர்கள் இப்படிச் சொல்கின்றார்கள் ஓவியம் கட்டுரை கலைக்கூடம் கவிதை , குறுநாவல். சிறப்புக்கதை சொல்லி, சிறப்புக்கவிதை சொல்லி, சிறுகதை, நூல்விமர்சனம், நேர்காணல், பத்தி, புகைப்படம், மொழிபெயர்ப்பு, விமர்சனம்.
எழுத்தாளர்கள் :
அனார் இசாத் றெஹானா, உமா வரதராஜன், உமையாழ் பெரிந்தேவி, எம் .ஏ . ஷகி, ஏ.நஸ்புள்ளாஹ், கோ நாதன், சாஜீத் அஹமட், சாம்சுடீன் நளீம், ஜிஃப்ரி ஹாஸன், ஜெம்சித் ஸமான், தேவகி கணேஷ், பரீட்சன், றஷ்மி, லறீனா அப்துல் ஹக், லலித கோபன், விஜய் எட்வின், ஸர்மிளா ஸெய்யித்.
நன்றி : பேராசியர் அ ராமசாமி - இந்தியா .
0000000000…

"நடு" வுக்கு இன்று வயது ஒன்று.

வணக்கம் வாசகர்களே , மற்றும் படைப்பாளிகளே !!
நடு இணைய சிற்றிதழானது இன்று தனது ஒரு வயதை கடக்கின்றது. இந்த ஒரு வயதில் வரவிருக்கும் கிழக்கிலங்கை சிறப்பிதழுடன் இரண்டு சிறப்பிதழ்களையும் மூன்று இதழ்களையும் நடு வாசகர்களுக்காகப் பதியமிட்டிருக்கின்றோம்.
ஐந்து இதழ்களிலும் எம்முடன் தோளோடு தோள் நின்று பயணித்த அனைத்துப் படைப்பாளிகளுக்கும் எமது நன்றிகள். நடுவானது மேலும் மேலும் வளர்ந்து விரீட்சமாக வளரவேண்டுமானால் படைப்பாளர்களது பங்களிப்பும் வாசகர்களது ஊக்கமும் எமக்கு அவசியமாகின்றது. இந்த ஒரு வருடத்தில் நடுவின் வளர்ச்சிபற்றி தீர்மானிக்க வாசகர்களாகிய உங்கள் கைகளிலேயே விடுகின்றோம். நடு பிறந்த பொழுது அது பற்றி வெளியாகிய கருத்துக்களை வாசகர்கள்  கீழே  வாசிக்கலாம் .நன்றி .
நடு குழுமம்
000000000000000000000000
"நடு" காலாண்டு இணைய இதழின் முதலாவது பதிப்பு தமிழ் இலக்கிய பரப்பில் தனது பிஞ்சுக்கால்களால் அடி எடுத்து வைத்திருக்கிறது. "தமிழ் இலக்கியத்தின் சிரியா" எனப்படும் பிரான்ஸிலிருந்து வெளிவந்திருக்கும் இந்த புதிய இதழை தோழர் கோமகன் நெறிப்படுத்துகிறார்.
இப்போது தாயகத்திலும் சரி புலம்பெயர் தேசத்திலும…

குரலற்றவரின் குரல் ஒரு பார்வை - தனிமரம் நேசன்.

புலம்பெயர் ஈழத்து இலக்கியத்துக்கு பாரிஸ் அதிகபங்களிப்பை வழங்கியிருக்கின்றது! தொடர்ந்தும்வழங்கிவருவது பாராட்டுக்குரிய ஒரு விடயம். அந்த வகையில் இவ்வாரம் பாரிசில் இன்னொரு இலக்கியமலரினை கைகளில் பெறும் வாய்ப்பு கிடைத்ததுமகிழ்ச்சி எனலாம்.

நேர்காணல்கள் இன்று ஊடகங்கள் எங்கும் இடம்பெறுகின்ற ஒரு விடயமாகிவிட்டது .என்றாலும்இலக்கிய ஆளுமைகளுடன் நேர்காணல் செய்யும்போது பல சொல்லப்படாத மூன்றாவது கோணத்தில்இருந்து சமூகத்திக்கு கருத்தாளம் மிக்க செய்திகள்வந்தடைகிறது.

பாரிசில் வாழும் கோமகன் என்றுஇலக்கியவட்டத்தில் அறியப்படும் மூத்த படைப்பாளிதியாகராஜா ராஜ ராஜன் அவர்கள் பல்வேறுசஞ்சிகைகளுக்காக தான் நேர்கொண்டஈழத்துப்படைப்பாளிகள் /புலம்பெயர்படைப்பாளிகள் என 14 பேரிடம் தொடர்பைஏற்படுத்தி அவர்களிடம் பெற்ற பதில்களைதொகுத்து அச்சில் கொண்டுவந்து இருக்கின்றார்குரலற்றவன் குரலாக!
இந்த நூல் இப்போது தாயகத்தில் பல இடங்களில்வெளியீட்டு விழாவைக்கண்டு கொண்டேவருக்கின்றது சிறப்பாக .
இனி வரும் நாட்களில் பாரிசிலும் வெளியீட்டுவிழாநிகழும் என்ற நம்பிக்கையோடு! தனிமரமும் காத்துஇருக்கின்றேன் நேரம் ,காலம் கூடிவந்தால்வாசகனாக கலந்துகொள்வது…

சமகாலத்து ஜீவநதி பற்றிய எனது பார்வை - விமர்சனம்

நான் இங்கு வெளிக்கிடுவதற்கு இரண்டு நாட்கள் முதலே பரணியுடன் நேரடியாக கதைக்கும் சந்தர்ப்பம் கிடைத்தது. எனக்கு நேரம் இல்லாத காரணத்தால் அதில் விடுபட்ட கருத்துக்களையும் சேர்த்து இன்னும் சிறிது விரிவாக்கலாம் என எண்ணுகின்றேன். ஜீவநதி தொடர்ச்சியாக வெளியாக வேண்டுமானால் அடிப்படையில் சில மாற்றங்களை செய்வது அத்தியாவசியமாகின்றது.

01 மாதாந்த சஞ்சிகை என்ற நிலையில் இருந்து விலகி காலாண்டு சஞ்சிகை அல்லது இரண்டு மாதங்களுக்கு ஒரு முறை சஞ்சிகையாக அச்சுப்பதிப்பில் வெளியாக வேண்டும். அப்பொழுது போதிய கால அவகாசம் இருப்பதால் சஞ்சிகையின் தரத்தை உயர்த்த முடியும். அத்துடன் நிர்வாக செலவுகளையும் கட்டுக்குள் கொண்டு வர முடியும்.

02 எழுத்தாளர்கள் என்பது தனிய தாயகத்தில் மட்டும் இருப்பதில்லை. புலம்பெயர்ந்த நாடுகள் மற்றும் தமிழகத்தை உள்ளடக்கியுள்ளதே எழுத்தாளர் வட்டம் . ஜீவநதியில் இதுவரை தமிழகத்து எழுத்தாளர்களது ஆக்கங்களை நான் பார்க்கவில்லை. எழுதுபவர்கள் துடக்குப் பார்க்கின்றார்கள் என்று சொல்வதை விடுத்து ஜீவநதியும் துடக்கு பார்க்கும் நிலையில் மாற்றங்களை கொண்டு வரவேண்டும்.

03 சந்தைப்படுத்தல் விடயத்தில் எனக்குத் தெரிந்து தாயகத்…

குரலற்றவரின் குரல் - வாசகரின் குரல்.

இன்றைய நாள் மிக அற்புதமானது.கோமகன் முதலாவதாக தொலைபேசியூடாக நூல் வெளியீட்டுக்கு அழைத்த போது வகுப்புகள் இருந்த காரணத்தால் போவதா இல்லையா என்ற குழப்பத்தில் இருந்தேன்.ஆனால் அவர் மீண்டுமொரு முறை அழைத்ததும் கட்டாயம் சென்று விடுவது என முடிவு செய்தேன்.

எண்ணிக்கையில் குறைந்திருந்தாலும் அறிவும்,பண்பாடும் நிரம்பி வழியும் மனிதர்களிடையே நான் அமர்ந்த முதலாவது நூல் வெளியீட்டு விழா. கோ மகனின் அன்புடன் துவக்கப்பட்டது.விழாவை பூரணப்படுத்தாமல் நோன்பு திறக்க வேண்டி இருந்ததால் இடையில் வந்தது மிக வருத்தமடையச் செய்தது.


என்றாலும் நீண்ட நாட்களுக்கு பிறகு என்னைக் கவர்ந்த முறையில் பேசினார் அந்த மனிதர்.அவர் யார்,இலக்கியத்தில் அவர் பங்கு என்பதை இன்னும் அறியவில்லை.ஆனால் பெயரை மாத்திரம் பாய்வா என அறிந்து கொண்டேன்.இலக்கியத்தில் அடுத்த படைப்பிற்கான இடைவெளி எடுக்கும்போது படைப்பாளியின் சரக்கு தீர்ந்து விடுவதாக நினைப்பவர்கள் பற்றிய அவர் கூற்றும், மூத்த இலக்கியவாதிகள் பலர் புதியவர்களுக்கு வழிவிட்டு தங்கள் மகுடங்களை இறக்கி வைக்கும் மனநிலைக்கு பெரும்பாலும் வரவில்லை எனவும் குறிப்பிட்டார்...


அதே போல நவீன மேற்கத்திய இலக்கியபாணியுட…

குரலற்றவரின் குரல்

வணக்கம் வாசகர்களே மற்றும் இலக்கிய ஆர்வலர்களே !!

கோமகனின் "தனிக்கதை"யின் ஊடாக உங்களை சந்தித்த நான் , இரண்டு வருட இடைவெளியின் பின்னர் எனது இரண்டாவது படைப்பின் ஊடாக உங்களை சந்திப்பதில் மகிழ்ச்சி அடைகின்றேன்.

பெயர் : குரலற்றவரின் குரல்

பகுப்பு : நேர்காணல்கள்

வெளியீடு : மகிழ் பதிப்பகம்

நூல் வெளியீடு தொடர்பான விபரங்களை விரைவில் அறியத்தருகின்றேன். நன்றி .

நேசமுடன் கோமகன் 

23 சித்திரை 2017

பொது மன்னிப்புக்கேட்டுத் தற்கொலை செய்ய வேண்டியது தமிழ்க்கவியா இல்லை இணையப்போராளிகளா?

இலங்கையைச் சேர்ந்த தமிழ்க்கவி தமிழர் தாயகப் போராட்ட காலத்தில் நேரடிப்பங்காளியாகவும் போராட்டத்தில் தனது மகன்களைக் களப்பலி கொடுத்தவராகவும் சிறந்த எழுத்தாளராகவும் மகளிர் முன்னேற்ற செயல்ப்பாடுகளை முன்நின்று நடத்துபவராகவும் எம்மிடையே அடையாளப்படுத்தப்பட்டவர். கடந்த வாரத்தில் தமிழ்க்கவி மலையகத்தவர் பற்றி எழுதியிருந்த கட்டுரை ஒன்று சமூகத்தளங்களில் அதிர்வலைகளையும் பெரும் குழப்பங்களையும் விழைவித்தது நடு வாசகர்கள் அறிந்ததே. அவரது மூலக்கட்டுரையைப் பெரும்பாலானவர் படித்தே பார்க்காது அவர் பொது வெளியில் மன்னிப்புக் கோரவேண்டும் என்றும் தமிழ்க்கவி வாழவே தகுதியற்றவர் என்பதன் ஊடாக மறைமுகமாக அவர் தற்கொலை செய்து கொள்ளவேண்டியவர் என்றும் இணையப்போராளிகள் விசத்தைக் கக்கியிருந்தனர்.
ஒருவர் தனது அனுபவங்களை சொல்லும் பொழுது அதற்கு யாருமே விளக்கம் கேட்கமுடியாது. தமிழ்க்கவி மலையக வம்சாவளியை சேர்ந்தவர் என்பது அவருடன் நெருங்கிப் பழகியவர்களுக்கு மட்டுமே தெரிந்த உண்மையாகும். தமிழ்க்கவி தனது அனுபவத்தை சொல்லும் பொழுது பொது மன்னிப்புக்கேள் என்பதும் அவர் வாழவே தகுதியற்றவர் என்பதும் பாஸசிசத்தின் உச்சக்கட்டம் மட்டுமில்லாது ஓர…

ஐரோப்பாவில் பிள்ளைகளுக்கு பெயர் வைக்கும் விதமும் சொல்லும் விதமும்-கட்டுரை.

ஐரோப்பாவில் ஆண் என்றாலும் பெண் என்றாலும் அவர்களது தந்தையின் பெயர் சொல்லி அழைப்பது ஏற்றுக்கொள்ளக்கூடியது என்றே சொல்வேன். இதை இன்னும் இலகுவாக சொன்னால் ஆணுக்கு தந்தையின் வழி பெயர் தொடர்ச்சியும் ( பரம்பரையை நினைவு கூரல் ) அதே போல் பெண்ணுக்கு அவர்களது தந்தையின் பெயரை சொல்லி அழைப்பதும் நடைமுறையில் உள்ளது. அதாவது முதற் பெயரில் தந்தையின் பெயரும் , பெயரில், மகன் அல்லது மகளது பெயரும் இணைத்து எழுதுவது அழைப்பது வழமை. இந்த நடைமுறை திருமணமானாலும் தொடரும். ஆனால் இவர்களது தேசிய அடையாள அட்டையில் இன்னாரின் மனைவி அல்லது இன்னாரின் கணவன் என்ற இன்னுமொரு  பகுப்பு சேர்க்கப்பட்டிருக்கும். இந்த அழைப்பு முறையானது குடும்பங்களின் தொடர்ச்சியினை பாதுகாப்பதற்கு உகந்தது. 

ஆசிய குடும்ப முறைமையில் பெண் திருமணமானவுடன் இதுவரைகாலமும் பேணப்பட்டு வந்த அவளது தந்தையின் பெயர் நீக்கப்பட்டு அந்த இடத்தில் அவளது கணவனின் பெயர் ஒட்டிக்கொள்ளும். இந்த முறையானது அவளது அடையாளப்படுத்துகின்ற அடிப்படை உரிமையை முற்றுமுழுதாக நிராகரிக்கின்றது . ஆனால் ஆணுக்கு மட்டும் அப்படி நேராது கட்டியமைக்கப்பட்டியமைக்கப்பட்டதுதான் ஆசிய குடும்ப அமைப்பு .ஐரோப்…

மனமே மலர்க - மெய்யியல் பாகம் 23.

ஐஸ் கிறீம் வாழ்க்கை



நமக்குள்ளே நாம் பிளவுபட்டுக் கிடக்கிறோம். எதைச் செய்ய நினைத்தாலும் ஏழு கருத்துகள் வருகிறது. நேற்று செய்ததை நினைத்து இன்று வேதனைப்படுகிறோம். செய்யவும் விருப்பம், ஆனால் தயக்கம். விருப்பமிருக்கிறது ஆனால் தைரியமில்லை. நமக்குள்ளேயே குழந்தையுணர்வு ஐஸ்கிரீம் கேட்கிறது. தாய் குரல் குறைவாய் சாப்பிடு என்கிறது. தந்தை குரல் கூடாது என்று மிரட்டுகிறது. ஆசிரியர் திட்டுகிறார். அறிவு அது கெடுதல் என்கிறது. கெளரவம் இடம் பார்த்து சாப்பிடு என்கிறது. அந்தஸ்து உயர்ந்த விலையுள்ளதை கேட்கிறது.
ஆக குழந்தையுணர்வாய் ஒருமையாய் ஒரு ஐந்து நிமிடம் வாழ நம்மால் முடிவதில்லை. அப்படிப் பிளவுபட்டு கிடக்கிறோம். ஆகவே பிளவில் சக்திகள் சிதைந்துவிடுகின்றன. கடைசியில் நாம் ஐஸ்கிரீம் ஆசையைக் கூட வாழாமல் அமுக்கி கட்டாயதனத்துக்குள் நுழைந்துகொள்கிறோம்.
இப்படி நமக்குள் பல குரல்கள், பல மாறுபட்ட கருத்துக்கள், அறிவுகள். இதையெல்லாம் மெல்லும் மன ஓட்டம் மிக வேகமாக இயங்குகிறது. இந்த ஓட்டத்திற்கே சக்தி செலவாகிவிடுகிறது. வாழ்வதற்கு சக்தி மீதம் இருப்பதில்லை. இந்த பிளவு நிலை, இந்த சிதறுண்ட நிலையிலிருந்து நாம் மீளவேண்டும். அப்போத…